Aktyvist mižnarodnaj maładziožnaj arhanizacyi «Małady front» (Čechija) Michaił Muski, jaki hvałtoŭna byŭ adpraŭleny ŭ vojska, budzie sudzicca z pryzyŭnoj kamisijaj u Niaśvižy. Jon vyrašyŭ abskardzić rašeńnie Niaśvižskaj pryzyŭnoj kamisii, pakolki jaho nakiravali ŭ vojska hvałtoŭna, niepasredna ź izalataru časovaha ŭtrymańnia. Pry hetym, zajava aktyvista na alternatyŭnuju hramadzianskuju słužbu była praihnaravanaja

Pieršaje sudovaje pasiedžańnie adbyłosia 1 červienia, ale biez udziełu samoha Muskaha, jaki słužyć na Lepielščynie.
Sudździa Maryna Dunajeva pastanaviła vyklikać na nastupnaje pasiedžańnie samoha zajaŭnika.

Michaiła Muskaha ŭ liku inšych aktyvistaŭ «Maładoha frontu» zatrymali 26 krasavika paśla zakančeńnia akcyi «Čarnobylski šlach — 2012». Na nastupny dzień jon byŭ pryznany sudom Savieckaha rajona vinavatym u drobnym chulihanstvie i pryhavorany da 15 sutak aryštu. Aktyvist pavinien byŭ vyjści na volu 11 maja, adnak sud Maskoŭskaha rajona pryhavaryŭ jaho jašče da piaci sutak aryštu.

Pravaabaronca Anastasija Łojka vykazała mierkavańnie, što novaje zatrymańnie Muskaha źviazana ź jaho admovaj prachodzić terminovuju słužbu ŭ armii i patrabavańniem alternatyŭnaj słužby. Na 14 maja jamu vydali pozvu ŭ vajenkamat.

13–10. Sudździa Maryna Dunajeva admoviła Michaiłu Muskamu z zadavalnieńni jahonaj skarhi na niezakonny pryzyŭ u vojska.

Palitžaŭnier Muski, jaki 16 červienia pavinien pryniać vajskovuju prysiahu, zajaviŭ, što ŭ znak pratestu suprać niezakonnaha pryzyvu hetaha rabić nie budzie.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?