Nacyjanalnaja avijakampanija «Biełavija» pajšła nasustrač napałochanym rasijskim futbolnym balelščykam, jakija chočuć ekstranna pakinuć Varšavu, paviedamiŭ namieśnik hienieralnaha dyrektara «Biełavija» Ihar Čarhiniec.

«Učora naša pradstaŭnictva ŭ Varšavie źviartałasia da mianie z prośbaj dazvolić źmianić umovy hrupavoha taryfu. Zvyčajna praktyka hrupavych pieralotaŭ takaja: kali jość hrupa, to ŭsie jaje ŭdzielniki prylatajuć adnym rejsam i vylatajuć adnym rejsam. A tut zdaryŭsia vyklučny vypadak.

Niekatoryja ludzi sa składu rasijskaj hrupy, jakaja karystałasia našymi pasłuhami, zajavili, što nie mohuć bolš znachodzicca ŭ Polščy ŭ takich umovach, bajacca za svajo žyćcio.
Jany źviarnulisia da avijakampanii z prośbaj pasadziejničać u ekstrannym viartańni na radzimu. My pajšli nasustrač», — padkreśliŭ namieśnik dyrektara.

Pavodle jaho słoŭ, havorka nie idzie pra niejki ekstranny rejs dla rasijskich balelščykaŭ. «Heta rehularnyja rejsy, jany prosta paprasili źmianić datu adlotu na bolš rańniuju», — rastłumačyŭ Čarhiniec. Taksama jon adznačyŭ, što pajšoŭšy nasustrač rasijanam, nijakich finansavych strat «Biełavija» nie paniasie.

Nahadajem,

12 červienia, u dzień matču pamiž zbornymi Polščy i Rasii, u Varšavie adbyłosia niekalki sutyknieńniaŭ pamiž balelščykami.
Pryčym polskija fanaty, pavodle źviestak niekatorych ŚMI, atakavali nie tolki niepasredna fanataŭ z Rasii, ale i radavych rasijskich balelščykaŭ, jakija dalokija ad fanackich razborak. Pavodle aficyjnaj infarmacyi, da, padčas i paśla matču byli zatrymanyja 184 čałavieki, 156 ź jakich — palaki, bolšaść astatnich — rasijanie.
Sud Varšavy ŭžo vynies pieršyja prysudy: sankcyi źviedali vosiem hramadzian Polščy, jakija aštrafavany na 500 złotych kožny (150 dołaraŭ) abo byli ŭmoŭna asudžanyja na termin ad 3 da 12 miesiacaŭ.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?