Banknoty naminałam Br10 i Br20 stanuć niesapraŭdnymi z 1 krasavika 2014 hoda.
Takoje rašeńnie źmiaščajecca ŭ pastanovie praŭleńnia Nacyjanalnaha banka Biełarusi № 266, tekst jakoha apublikavany na Nacyjanalnym pravavym
Vypusk u abaračeńnie banknot hetaha naminału budzie spynieny 1 vieraśnia 2012 hoda.Pry hetym banknoty naminałam 10 i 20 rubloŭ pa 28 lutaha 2013 hoda ŭklučna abaviazkovyja da pryjomu pa naminalnym košcie pry ŭsich vidach płaciažoŭ biez usialakich abmiežavańniaŭ, havorycca ŭ rašeńni Nacbanka.
U pačatkovy pieryjad paśla abviaščeńnia niezaležnaści ŭ Respublicy Biełaruś abaračalisia hrašovyja znaki Dziaržbanka SCSR, a zatym i Centralnaha banka Rasii. U mai 1992 hoda na terytoryi Biełarusi byli ŭviedzieny ŭ abaračeńnie raźlikovyja bilety Nacyjanalnaha banka nastupnych naminałaŭ: 50 kapiejek, 1, 3, 5, 10, 25, 50 i 100 rubloŭ. Paźniej byli ŭviedzieny ŭ abaračeńnie raźlikovyja bilety naminałam 200 i 500 (1992 h.), 1.000 (1993 h.), 5.000 i 20.000 (1994 h.), 50.000 (1995 h.), 100.000 (1996 h.), 500.000 (1998 h.), 1.000.000 i 5.000.000 (1999 h.) rubloŭ.
U mai 1994 hoda pastanovaj Nacbanka adzinym płaciežnym srodkam na terytoryi Biełarusi pryznany biełaruski rubiel, a ŭ najaŭna-hrašovym abarocie — banknoty, jakija nazvany raźlikovymi biletami.
U adpaviednaści z ukazam prezidenta 1 studzienia 2000 hoda byli ŭviedzieny ŭ abaračeńnie novyja banknoty (bilety) naminałam 1, 5, 10, 20, 50, 100, 500, 1.000 i 5.000 rubloŭ, u 2001 hodzie — 10.000 rubloŭ, u 2002 hodzie — 20.000 i 50.000 rubloŭ, a ŭ 2005 hodzie — 100.000 rubloŭ.
12 sakavika 2012 hoda Nacbank uvioŭ u abaračeńnie novuju samuju bujnuju kupiuru naminałam 200 tysiač biełaruskich rubloŭ, što składaje pryblizna 25 dołaraŭ ZŠA pa biahučym kursie.
