U Hrodzienskaj vobłaści DAI ŭstaluje raściažki na anhlijskaj movie + fota 7

Hrodzienskaja dziaržaŭtainśpiekcyja raspracavała eskizy raściažak na anhlijskaj movie. Na raściažkach pa-anhlijsku napisana: «Na Hrodzienščynie lichačoŭ pazbaŭlajuć pravoŭ. Adnaznačna».

Pra heta paviedamlaje pres-słužba dziaržaŭtainśpiekcyi (DAI) Hrodzienskaj vobłaści. Pavodle hetaha paviedamleńnia, płanujecca, što novyja raściažki źjaviacca na biełaruska-polskaj i biełaruska-litoŭskaj miežach, u tym liku kala mytnaha punkta propusku «Kamienny Łoh» Ašmianskaha rajona i kala mytnaha punkta propusku «Katłoŭka» Astravieckaha rajona.

Taksama raściažki pavinny być ustanoŭlenyja kala mytnych punktaŭ «Pahraničny» Bierastavickaha rajona, «Bruzhi» i «Pryvałka» Hrodzienskaha rajona i «Bieniakoni» Voranaŭskaha rajona.

Pres-słužba DAI Hrodzienskaj vobłaści paviedamlaje: na darohach vobłaści ŭ 2011 hodzie zahinuli 140 čałaviek. 40 ź ich — padčas darožna-transpartnych zdareńniaŭ, jakija adbylisia z udziełam zamiežnych kiroŭcaŭ.

Hrodzienskaja dziaržaŭtainśpiekcyja źviartajecca da čytačoŭ sajta gaigrodno.by z prapanovaj vykazać svajo mierkavańnie pra novyja raściažki na anhlijskaj movie.

Varta z prykraściu adznačyć, što hrodzienskaje DAI ŭžyvaje pa-anhielsku rusifikavany varyjant nazvy Hrodna, a nie dziaržaŭny standart tranśliteracyi nazvaŭ hieahrafičnych punktaŭ ź biełaruskaj movy.

0

0

0

0

0

0

Siarhiej Ziańko, Rehijanalnaja hazieta; SH

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH