Hrupa pieršakurśnikaŭ z Hrodna pajechała adznačać zakančeńnie siesii za horad.Jany źniali dom u vioscy Karobčycy, što za niekalki kiłamietraŭ ad haradskoj rysy. Studenty jechali ŭ troch mašynach pa piać čałaviek u kožnaj.
Inśpiektary atrymali zapis ź videarehistratara, dzie bačna, što aŭtamabili jeduć z hrubymi parušeńniami PDR: pa čarzie abhaniajuć adzin adnaho, pierasiakajuć padvojnuju sucelnuju liniju raźmietki, ruchajucca na vialikaj chutkaści.
U niejki momant «Opiel Korsa», jaki ruchaŭsia pamiž dźviuma mašynami, pajšoŭ na abhon na moście praz raku Łasasianka.
U avaryi na miescy zahinułaTaksama paciarpieli dva čałavieki z «Reno Miehan»:18-hadovaja dziaŭčyna ŭ «Opieli», jakaja siadzieła za kiroŭcam. Jašče čatyry čałavieki z hetaj mašyny špitalizavany.
«Kiroŭca „Opiela“ paśla avaryi znachodziŭsia ŭ šokavym stanie, jon nie moh navat skazać, z kim jechaŭ.Paŭtaraŭ tolki, što ŭ jaho siesija, jon nie spaŭ niekalki načej, a na dniach pavinien byŭ być apošni ispyt», — skazali ŭ DAI.
Mašynu dva tydni tamu nabyŭ jamu baćka. U DAI asabliva adznačyli, što nichto z pasažyraŭ, uklučajučy kiroŭcu «Opiela», nie byŭ pryšpileny ramianiami biaśpieki.