Ihar Vasiljeŭ.

Ihar Vasiljeŭ.

Pieršy namieśnik staršyni Minskaha harvykankama zatrymany za atrymańnie chabaru. Ab hetym paviedamiŭ siońnia žurnalistam hienieralny prakuror Biełarusi Alaksandr Kaniuk.

Pavodle słovaŭ Alaksandra Kaniuka, infarmacyja pra zatrymańnie pieršaha namieśnika staršyni harvykankama Minska Ihara Vasiljeva paćviardžajecca. Jon zatrymany za atrymańnie chabaru (430 art. KK Biełarusi).

«Inšuju infarmacyju dać pakul nie mahu, pakolki zaraz idzie rasśledavańnie», — adznačyŭ hienprakuror, paviedamlaje BiełaPAN

Jašče 2 lipienia Ihar Vasiljeŭ adkryvaŭ darožnuju raźviazku ŭ Minsku, a 9-ha jaho ŭžo nie było niama na pracy. U Śledčym kamitecie ŭ paniadziełak admaŭlali najaŭnaść kryminalnaj spravy na čynoŭnika, a ŭ KDB nie kamientavali. U kabiniecie Vasiljeva telefon nie adkazvaŭ, a ŭ Minhravykankamie zajavili, što jon znachodzicca ŭ adpačynku. Pa infarmacyi, raspaŭsiudžanaj u internecie, namieśnika Mikałaja Ładućki nibyta zatrymali 6 lipienia na pracoŭnym miescy.

Vasiljeŭ kiravaŭ dziejnaściu žyllovaj i kamunalnaj haspadarak, darožnaha budaŭnictva, haražami, aŭtastajankami, parkoŭkami i jašče šeraham pytańniaŭ.

Na hetuju pasadu jaho pryznačyŭ Alaksandr Łukašenka 30 vieraśnia 2010. Da hetaha Vasiljeŭ pracavaŭ dyrektaram Minskaha kambinata silikatnych vyrabaŭ.
Padčas dyrektarastva vybiraŭsia ŭ Minski haradski Saviet deputataŭ 26-ha sklikańnia (vybarčaja akruha №22). Razam ź im pa hetaj akruzie bałatavalisia pradstaŭnik Biełaruskaj partyi levych «Spraviadlivy śviet» Maksim Prakapienka i člen Libieralna-demakratyčnaj partyi Siarhiej Jastrab.

Sioleta ŭ Minsku ŭžo zatrymlivali čynoŭnikaŭ. Pieršaha namieśnika kiraŭnika administracyi Maskoŭskaha rajona Minska abvinavačvajuć u atrymańni chabaru ad pradprymalnikaŭ. Ahulnaja suma chabaru pieravysiła 90 miljonaŭ rubloŭ. Materyjały pa jaho kryminalnaj spravie pieradadzieny ŭ prakuraturu dla nakiravańnia ŭ sud. U kancy maja ŭ stalicy byŭ zatrymany były mer Połacka. Jaho abvinavacili va złoŭžyvańnie ŭładaj abo słužbovymi paŭnamoctvami.

***

Niekalki faktaŭ pra Vasiljeva

— vypusknik Biełaruskaha politechničnaha instytuta (1992);

— suma hadavoha dachodu za 2009 skłała 82.024.727 rubloŭ;

— vałodaŭ 4460 akcyjami Minskaha kambinata silikatnych vyrabaŭ i kvateraj u Minsku;

— letaś ahučyŭ prahramu «400», zhodna ź jakoj budzie vyrašana prablema z parkoŭkami ŭ stalicy: da 2020 pavinny być stvorany 400 tysiač parkovačnych miescaŭ, a pałovu ź ich płanujuć uvieści da 2015-ha;

— pry im pačałosia budaŭnictva damoŭ dla śpiecnazaŭcaŭ u mikrarajonie Uručča, suprać čaho ŭzbuntavalisia žychary navakolnych šmatpaviarchovikaŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?