U Minsku nie cišejuć łakalnyja kanflikty, źviazanyja z uščylnieńniem. Ludziej ciśnie to śpiecnaz, to bujny zabudoŭščyk, to zamiežny inviestar. Svaimi dumkami z nahody vojnaŭ «uščylnieńnia» padzialiŭsia ŭ efiry STV namieśnik staršyni kamiteta architektury i horadabudaŭnictva Minharvykankama Vadzim Nikałajenka. Čynoŭnik pryznaŭ: ad kropkavaj zabudovy horadu nie syści, i z takim stanoviščam spravaŭ treba ličycca.

— Horadu treba raźvivacca. Napeŭna, zachoplivać usio novyja terytoryi, vychodziačy za miežy MKAD, nie vielmi pravilna,
i my vymušanyja šukać kampramisnyja rašeńni — šukać terytoryi, jakija vykarystoŭvajucca nieefiektyŭna albo niedastatkova efiektyŭna. I vymušanyja iści na ŭščylnieńnie hetych terytoryj, — skazaŭ Vadzim Nikałajenka. — Nielha zabyvać, što na hetych terytoryjach budujucca abjekty jak praviła dla tych, chto maje patrebu ŭ palapšeńni žyllovych umoŭ, ź ilhotnaj padtrymkaj. Heta ludzi, jakija šmat hadoŭ stajać u čerhach i čakajuć momantu, kab pabudavać sabie žytło. Ułady heta vydatna razumiejuć i sprabujuć znajści kampramisnyja rašeńni.

Zaŭvažym, u mikrarajonie Uručča-2 sapraŭdy źbirajucca budavać damy dla tych, chto maje patrebu ŭ palapšeńni žyllovych umovaŭ (supracoŭnikaŭ siłavych struktur). Adnak hety prykład daloka nie pakazalny. Zabudoŭščyki žylla, jak praviła, kirujucca vyklučna kamiercyjnymi intaresami. Vulicu Zasłaŭskuju inviestar nastojliva sprabuje ŭščylnić 16-paviarchovymbiźnies-centram, u Navinkach uščylnuju da žyłych damoŭ padbirajecca manastyr…

Razam z tym Vadzim Nikałajenka dadaŭ, što Minsk «vielmi kampaktny i pry hetym vielmi kamfortny horad».
Pavodle jahonych słoŭ, heta adznačajuć jak jaho žychary, tak i hości stalicy.

U žycharoŭ Uručča i nie tolki ŭ ich vidavočna buduć inšyja arhumienty ŭ hetaj sprečcy. Uziać chacia b aficyjnuju statystyku. Ščylnaść nasielnictva Minska ŭžo pieravaliła za 6100 čałaviek na kvadratny kiłamietr. Heta ŭ šmat razoŭ mienš, čym u haradach paŭdniova-ŭschodniaj Azii, ale adčuvalna bolš, čym u stalicach susiednich dziaržaŭ.

Dadzienyja pa ščylnaści nasielnictva roznych haradoŭ Jeŭropy možna znajści ŭ adkrytych interniet-krynicach. Prapanujem tablicu dla paraŭnańnia.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?