Kaardynatar hramadzianskaj kampanii «Spravavodstva pa-biełarusku!» Ihar Słučak 10 lipienia padaŭ dakumienty na rehistracyju inicyjatyŭnaj hrupy pa zbory podpisaŭ za vyłučeńnie jaho kandydatam u deputaty pałaty pradstaŭnikoŭ nacyjanalnaha schodu pa Homielskaj Savieckaj vybarčaj akruzie № 34.

Jak paviedamiŭ BiełaPAN Słučak, u svajoj vybarčaj kampanii jon starajecca pa maksimumie zadziejničać sacyjalnyja sietki. «I akruhu, pa jakoj ja vyłučajusia, vybrali karystalniki sacyjalnaj sietki praz apytańnie. 60% členaŭ majoj inicyjatyŭnaj hrupy pryjšli da mianie praz sacyjalnyja sietki, ja daŭ ab'javu-zaprašeńnie paŭdzielničać u kampanii, i ludzi adhuknulisia. Było kala 30 achvotnych, ja ŭklučyŭ u inicyjatyŭnuju hrupu 14 čałaviek — samych nadziejnych i cikavych, siarod jakich rekłamščyki, žurnalisty, nastaŭniki i muzykanty», — zajaviŭ BiełaPAN patencyjny kandydat.

Jon adznačyŭ, što jaho zajava na rehistracyju inicyjatyŭnaj hrupy była pieršaj u akruzie. Podpisy členy inicyjatyŭnaj hrupy — kali jaje zarehistrujuć — majuć namier źbirać pa kvaterach i na pikietach. Słučak nie sumniavajecca, što jaho hrupa źbiare nieabchodnuju tysiaču podpisaŭ.

«Ja idu na vybary, kab možna było lehalna pahavaryć ab prablemie biełaruskaj movy, pakazać mahčymaść choć niejkaj treciaj siły, tamu što ludziam nadakučyli i praŭładnyja, i apazicyjnyja kandydaty ź ich niezrazumiełymi i niecikavymi kampanijami», — ličyć surazmoŭca.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?