Aktyvisty Viktar Jančurevič i Leanid Mažalski, jakija vystupajuć suprać zabudovy Sievastopalskaha parku i ŭščylnieńnia zabudovy ŭ mikrarajonie Uručča-2, majuć namier vyłučacca kandydatami ŭ deputaty parłamienta.

Viečaram 11 lipienia jany padali zajavy na rehistracyju svaich inicyjatyŭnych hrup u akruhovyja kamisii pa vybarach deputataŭ Pałaty pradstaŭnikoŭ.

Jančurevič płanuje vyłučacca pa Kalinoŭskaj vybarčaj akruzie № 108,
dzie razam ź miascovymi žycharami braŭ udzieł u abaronie Sievastopalskaha parku, dziejańniach pa abaronie ad znosu zakinutaha dziciačaha sada na vulicy Słavinskaha, a taksama zachavańni SŠ № 70, zakryćcio jakoj płanavałasia ŭ 2010 hodzie.

«Mažalski byŭ adnym ź inicyjataraŭ pratestu žycharoŭ suprać niezakonnaha ŭščylnieńnia mikrarajona Uručča-2.

Vyłučeńnie kandydatury Mažalskaha było inicyjavana na schodzie žycharoŭ mikrarajona jak reakcyja na adsutnaść uliku mierkavańnia hramadskaści pry realizacyi prajekta ŭščylnieńnia.
Z ulikam hetaha faktaru i abrana akruha, pa jakoj vyłučajecca kandydatura Mažalskaha, — Uručskaja akruha № 109», — skazaŭ Jančurevič.

Aktyvist adznačyŭ, što jon sam i Mažalski płanujuć źbirać podpisy pa kvaterach vybarščykaŭ i na pikietach. «Zakryŭšy svaim vyłučeńniem Pieršamajski rajon, my płanujem zrabić akcent na tych łakalnych prablemach, jakija isnujuć u rajonie, i raźvivać inicyjatyvu pra adstaŭku kiraŭnika administracyi Pieršamajskaha rajona», — zajaviŭ Jančurevič.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?