Lehiendarny majontak Karpisaŭ u Joniškielai (Pasvalski rajon, Litva) prapanuje adčuć, nakolki pryjemnymi byvajuć zdani minułaha. 28 lipienia, u subotu, majontak Karpisaŭ zaprašaje na noč mistyki, muzyki i vidoviščaŭ.

Upieršyniu ŭ Paŭnočnaj Litvie pravodzicca aŭdyjovizualny fiestyval Ad Astra. Budzie pradstaŭleny unikalny kulturny prajekt WAFT. Heta sumiesny vystup hrupy alternatyŭnaj muzyki fusedMarc i vykanaŭcaŭ sutarcinie Trys keturiose, jakoje abjadnoŭvaje aŭtentyčnyja litoŭskija sutarcinie, upisanyja ŭ śpis spadčyny UNESCO, i elektronnyja efiekty.

Jašče adno zachaplalnaje ŭražańnie mahičnaj nočy prapanujuć kaŭnascy: u prajekcie Sovijus — niezvyčajnaje spałučeńnie postetnamuzyki, sučasnych efiektaŭ i kaśmičnych mahičnych hukaŭ.

Na fiestyvali taksama vystupiać vykanaŭcy Alina Arłova, Vidas Barejkis, a biełaruskaja hrupa «Jahor Zabiełaŭ Trya» pradstavić hledačam śmieły ekśpierymient — na akardeonie, kantrabasie i barabanach jana budzie ahučvać niamoje kino.
Majontak Karpisaŭ u Joniškielai — adzin z najbujniejšych u Litvie. Vieličnyja budynki i parki chavajuć žudasnyja luboŭnyja lehiendy. Kažuć, što ŭ majontaku da hetaha času uspychvajuć 2 ahieńčyki — heta dušy junaha dvaranina i jaho kachanaj. Jość pavierje, što zły baćka — pamieščyk Karpis zabiŭ biazrodnuju dziaŭčynu, i para da hetaha času sprabuje vykanać apošni taniec kachańnia.
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?