«Paciarpiełym na Kubani budzie akazana humanitarnaja dapamoha ad prezidenta Biełarusi na sumu zvyš 1,8 miljarda rubloŭ», paviedamlaje BIEŁTA. Heta kala $215 tysiač.
Humanitarnaja dapamoha budzie dastaŭlena na Kubań užo siońnia. «Hruz i śpiecyjalisty MNS, jakija jaho supravadžajuć, vyleciać u bližejšy čas u Anapu», — raskazaŭ
Hruz sfarmiravany ź dziaržaŭnaha materyjalnaha reziervu, jaki znachodzicca ŭ rasparadžeńni MNS, Ministerstva achovy zdaroŭja, «Biełcharčprama» i «Biellehprama». «Jaho vaha składaje 30 t. Heta maksimum taho, kolki moža pryniać na bort samalot», — padkreśliŭ Vital Navicki.Ił-76 dastavić na Kubań paŭšarścianyja koŭdry, miasnyja i małočnyja kansiervy, pitnuju vodu, paścielnyja rečy, ručniki, srodki asabistaj hihijeny, miedykamienty.
U noč 6 na 7 lipienia za ličanyja hadziny stychija abrušyłasia adrazu na try rajony kubanskaha kraju. Rekami vady z hor nakryła spačatku Hielendžyk, a zatym Novarasijsk i asabliva Krymsk. Pavodle apošnich danych, stychija zabrała žyćci bolš jak 160 čałaviek, prapaŭšymi bieź źviestak da hetaj pary ličacca 17 čałaviek. U vyniku stychii, pavodle papiarednich acenak, razburana 643 damy. Poŭnaściu stracili majomaść 29 tys. čałaviek, častkova — 5,5 tys. čałaviek. Pa miedycynskuju dapamohu źviarnulisia 1 tys. 137 čałaviek, ź ich 496 dziaciej. Špitalizavana 194 čałavieki, u tym liku 26 dziaciej, znachodziacca na ambułatornym lačeńni 943 čałavieki, pałavina ź jakich dzieci. Ź dziciačych łahieraŭ adpačynku evakuiravana amal 700 dziaciej.
