Biełaruskija kamientatary Alaksiej Pyncikaŭ i Dźmitryj Hierčykaŭ, jakija pracavali ŭčora na matčy kvalifikacyi žanočaha Jeŭrabaskieta-2013, pryznalisia, što ŭ dalejšych efirach i padčas Alimpijady płanujuć vieści repartažy na biełaruskaj movie.

— Dźmitryj, u vas pračnułasia cikavaść da biełaruskaj movy? Na futbolnym matčy niadaŭna skłali kampaniju Paŭłu Baranavu, jaki vystupaje za «movu» u efiry. Kažuć, na Alimpijadu ŭ vas taksama «biełaruskija» płany.

— Viedajecie, hetaja cikavaść nikoli nia hublałasia. Kaliści navat abaraniaŭ dypłom fiłołaha, vykładčyka biełaruskaj movy i litaratury. Kamientavać pa-biełarusku było majoj maraj. Kali budzie takaja mažlivaść, u budučyni budu pracavać tolki na movie. Na maju dumku, mova ŭ spartovym kamientary — rysa, jakaja vyłučyć nas na televizijnaj prastory. Da taho ž dzieci dy moładź adčujuć asałodu, sakavitaść rodnaj movy. Buduć stavicca dy jaje bolš pavažliva.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?