Adbyłasia hulnia ŭ adkaz pieršaha kvalifikacyjnaha raŭndu Lihi Jeŭropy.
«Homiel» prymaŭ u siabie kamandu «Vikinhur» ź miastečka Hota, što na Farerskich vyspach.

Pieršaja sustreča hetych kamand adbyłasia tydzień tamu. Biełarusy ŭ haściach nie pakinuli kamienia na kamieni ad «Vikinhura» — 6:0. Praŭda, usie hały byli zabityja ŭ druhim tajmie.

Siońnia nastaŭnik «Homiela» Aleh Kubaraŭ daŭ zhulać dubloram. Jany nie padkačali, chacia ŭ pieršym tajmie hałoŭ znoŭ nie było.

A voś u druhim dublem adznačyŭsia Dziemidovič, jašče pa adnamu hołu zabili Kašeŭski i Cimašenka — 4:0.
U sumie dvuch matčaŭ pieravaha bolš čym unušalnaja — 10:0. Aleh Kubaraŭ skazaŭ, što matč byŭ «viałym» i jamu było ciažka znajści dla futbalistaŭ matyvacyju paśla haściavoj pieramohi.
U nastupnym raŭndzie Lihi Jeŭropy «Homiel», najchutčej, sustreniecca z makiedonskaj «Renovaj». Taksama z druhoha raŭnda startujuć salihorski «Šachcior» (supiernik aŭstryjski «Ryd») i navapołacki «Naftan» (sierbskaja «Crviena Źviezda»).

Matč kamientavaŭsia pa-biełarusku

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?