Narodny artyst Rasii Leŭ Leščanka ŭdastojeny śpiecyjalnaj uznaharody prezidenta Biełarusi «Praz mastactva — da mira i parazumieńnia», a 12 lipienia na Alei zorak u Viciebsku ŭ honar śpievaka była ŭstanoŭlena imiannaja zorka.
Na cyrymonii adkryćcia zorki ministr kultury Biełarusi Pavieł Łatuška adznačyŭ, što sam časta słuchaje pieśni Leščanki.
«Kali ja byŭ maleńkim chłopčykam, to pravodziŭ kanikuły ŭ babuli na vioscy. My hladzieli televizar, pa jakim pakazvali kancert Lva Leščanki, i babula skazała, što heta jaje lubimy artyst. Dahetul u maim aŭtamabili lažyć dysk ź pieśniami Leščanki, i ja ich słuchaju», — pryznaŭsia ministr kultury.
«U mianie dastatkova šmat dziaržaŭnych uznaharod, ale hramadskaje pryznańnie — samaja vysokaja ŭznaharoda dla čałavieka, i ja vielmi kranuty, što mianie nie zabyli», — skazaŭ Leščanka žurnalistam paśla cyrymonii adkryćcia zorki.
Śpiavak pryznaŭsia, što jamu było krychu niajomka atrymlivać premiju, bo jon nie imkniecca da viadomaści, a prosta starajecca być prafiesijanałam.
Imia Lva Leščanki ŭviekaviečana na Alei zorak tolki ŭ Viciebsku. «Zorka», zakładzienaja ŭ honar śpievaka ŭ Maskvie, była źniesiena razam z kancertnaj załaj «Rasija» i pieramieščanaja ŭ nieviadomaje dla artysta miesca.
U Biełaruś Leščanka pryjazdžaje niačasta, ale «Słavianski bazar» — heta ŭžo treci vizit śpievaka ŭ Biełaruś sioleta: u Dzień Pieramohi artyst jeździŭ u Homiel, a niadaŭna pracavaŭ u Barysavie.
Na dumku Leščanki, «Słavianski bazar» — heta «adziny fiestyval, kudy pryjazdžajuć braterskija narody i dzielacca svaimi pośpiechami i raskazvajuć pra svaju kulturu». «Dla nas heta adzinaja mahčymaść intehravacca», — skazaŭ jon.
