Kampanija «ŁADE» adkryła ŭ Minsku novy apieracyjny błok i stacyjanar dzionnaha znachodžańnia.

Jak paviedamiła na adkryćci 12 lipienia namieśnik zahadčyka miedcentra Viesta Karalonak, u apierbłoku abstalavanyja try apieracyjnyja zały i stolki ž pałat na šeść čałaviek. Płanujecca, što padraździaleńnie budzie nie tolki akazvać pasłuhi hramadzianam Biełarusi, ale i «aktyŭna zajmacca miedycynskim turyzmam, što dazvolić centru ŭnieści pasilnuju dapamohu ŭ realizacyju prahramy pa eksparcie miedycynskich pasłuh». Pavodle słoŭ Karalonak, ceny dla zamiežnych hramadzian buduć vyšejšyja, čym dla biełaruskich.

U apierbłoku buduć pravodzicca hiniekałahičnyja, praktałahičnyja, a taksama płastyčnyja apieracyi. Ciapier zaviaršajecca rabota pa zapusku ŭ centry pracedury EKA.
Karalonak adznačyła, što ŭ suviazi z pavieličeńniem biaspłodnych par u Biełarusi i ŭ krainach Jeŭropy «EKA budzie dastatkova zapatrabavanym jak u biełaruskich, tak i ŭ zamiežnych hramadzian».

Miedycynski centr «ŁADE» pracuje z 1992 hoda. Štomiesiac u centr, jaki naličvaje bolš čym 500 supracoŭnikaŭ, źviartajecca kala 20 tys. hramadzian.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?