Pavodle absalutnaj bolšaści pradmietaŭ abituryjenty, jakija buduć zaličany ŭ VNU Biełarusi na biudžetnuju formu navučańnia, majuć siaredni bał u dva razy vyšej tych, chto zmoža atrymać adukacyju na płatnaj asnovie. Ab hetym raskazaŭ siońnia na pres-kanfierencyi pieršy namieśnik ministra adukacyi Alaksandr Žuk, paviedamlaje BiełTA.

Pavodle słoŭ Alaksandra Žuka, na atrymańnie vyšejšaj adukacyi na dzionnych adździaleńniach VNU Biełarusi za košt srodkaŭ biudžetu mohuć pretendavać 24,4 tys. abituryjentaŭ. Udzielniki testavańnia hetaj hrupy majuć dastatkova vysoki siaredni bał.

Naprykład, pa matematycy hety pakazčyk roŭny 58,57 (u 2011 hodzie — 55), pa fizicy — 43,88 (45).
Pa asnoŭnych pradmietach siaredni bał abituryjenta-biudžetnika skłaŭ: pa rasijskaj movie — 63,88, biełaruskaj — 63,1, anhlijskaj — 67,98, bijałohii — 63,65, chimii — 70,76. Pry hetym dla pastupleńnia na płatnyja adździaleńni siaredni bał niekalki nižejšy: pa rasijskaj — 37,14, biełaruskaj — 35,45; anhlijskaj — 37,64; bijałohii — 50,53; chimii — 43,02.

Raniej zajaŭlałasia, što VNU u novym navučalnym hodzie prymuć na pieršy kurs 91,6 tys. studentaŭ.

Na dzionnuju formu navučańnia budzie pryniata 51,7 tys. studentaŭ, na zavočnuju formu navučańnia — 39 tys. čałaviek.
Клас
Панылы сорам
Ха-ха
Ого
Сумна
Абуральна