Upraŭleńniem Śledčaha kamiteta pa Bresckaj vobłaści raspačata kryminalnaja sprava ŭ dačynieńni da žonki byłoha namieśnika načalnika OPK «Varšaŭski most».
Raniej u studzieni hetaha hoda Upraŭleńniem śledčaha kamiteta pa Bresckaj vobłaści była ŭzbudžanaja kryminalnaja sprava ŭ dačynieńni da majora pamiežnych vojskaŭ, jaki zajmaŭ pasadu namieśnika načalnika prapusknoha punkta «Varšaŭski most».
Padazravanamu inkryminavałasia atrymańnie chabaru za stanoŭčaje vyrašeńnie pytańnia ab propusku pa-za čarhoj i biez dahladu hruzavych aŭtamabilaŭ.
Padčas rasśledavańnia kryminalnaj spravy było vyjaŭlena niekalki faktaŭ atrymańnia chabaru ad pradprymalnikaŭ Bresta. Ale samaje cikavaje, što ŭsia karupcyjnaja schiema na bresckaj miažy była arhanizavanaja praz žonku padazravanaha.
Pa sutnaści, pradprymalniki išli ŭdzień dadomu da pamiežnika, razmaŭlali ź jahonaj žonkaj, płacili hrošy, a taja ŭžo kazała mužu, kali i kaho treba prapuścić.Jak ustanavili padčas rasśledavańnia kryminalnaj spravy, u listapadzie i śniežni 2011 hoda žonka majora pryniała ad čatyroch pradprymalnikaŭ Bresta bolš za 1 tysiaču dołaraŭ.
Hrošy pieradavalisia dla muža, jaki pavinien byŭ stanoŭča vyrašyć pytańnie ab pazačarhovym ŭjeździe ŭ punkt propusku "Brest OPK" Varšaŭski most v/č 2187 bieź pieravodu na "Čyrvony kanał".
Rasśledavańnie pa spravie praciahvajecca
