«Niekali my byli na procilehłych bakach, ale siońnia ŭ nas jość svaboda Polščy, i ja začyniŭ hetuju temu», — cytuje słovy Lecha Valensy Wyborcza.

***

Paśla ŭviadzieńnia Vojciecham Jaruzelskim vajskovaha stanovišča Lech Valensa ŭ liku inšych lidaraŭ i aktyvistaŭ «Salidarnaści» byŭ aryštavany i pravioŭ pad aryštam amal hod. Paśla hetaha ŭ 1983 h. jon atrymaŭ Nobieleŭskuju premiju miru. A Jaruzelski ŭ 1990 h. pahadziŭsia na praviadzieńnie šmatpartyjnych vybaraŭ. Hetamu papiaredničaŭ «kruhły stoł» pry ŭdziele ŭładaŭ i apazicyi. U vyniku prezidentam byŭ abrany Lech Valensa.

U krasaviku 2007 h. suprać Jaruzelskaha i šerahu inšych byłych kamunistyčnych kiraŭnikoŭ było vysunuta abvinavačvańnie za ŭviadzieńnie ŭ śniežni 1981 h. vajennaha stanovišča. U žniŭni 2011-ha sud vyklučyŭ Jaruzelskaha z sudovaha pracesu z pryčyny stanu zdaroŭja. Potym Valensa naviedvaŭ Jaruzelskaha ŭ špitali.

Клас
Панылы сорам
Ха-ха
Ого
Сумна
Абуральна