U Navapołacku myjuć nie za hrošy, a za vieršy biełaruskich kłasikaŭ. Miascovaja supołka “Tavarystva biełaruskaj movy” prydumała akcyju: ź ciabie – tvor na pamiać, z nas – haračy duš, harbata ci kava ź piečyvam, a ŭ dadatak jašče i suvienir.

Sprava ŭ tym, što

ŭ horadzie naftachimikaŭ adklučyli haračuju vadu. Ale ŭ niekatorych mikrarajonach jana ŭsio ž zastałasia. Voś TBM i vyrašyŭ dapamahčy haradžanam, jakim nadakučyła mycca ŭ tazikach i načoŭkach, vyrašyć hetu prablemu.
Duš, u jakim možna z kamfortam pamycca, raspłaciŭšysia vieršam, znachodzicca na kvatery adnaho ź siabroŭ supołki TBM.
Žadajučamu pamycca treba viedać na pamiać adzin vierš. Vybirać možna z troch kłasikaŭ biełaruskaj litaratury – Janki Kupały, Jakuba Kołasa, Maksima Tanka. U ich sioleta jubilei: 130-hodździe z dnia naradžeńnia pieśniaroŭ i 100 hod, jak naradziŭsia Tank.

Cikava, što jašče litaralna pazaŭčora płata za ŭvachod była vyšejšaj – haspadar duša patrabavaŭ nie adzin, a try vieršy. Kłasikaŭ nacyjanalnaj litaratury dekłamujuć u vopratcy, žartujuć arhanizatary. Ale pieśni na ichnija vieršy možna śpiavać i aholenym - u dušy.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?