Čym skončycca pieratrus u kvatery fatohrafa Surapina? 2

Kalehi miarkujuć, što jon moža być na dopycie ŭ KDB. Abmiarkoŭvajucca i horšyja varyjanty — Antona ŭžo mahli pasadzić na Akreścina.

Miescaznachodžańnie fatohrafa nieviadomaje

Žanna Litvina, staršynia Biełaruskaj asacyjacyi žurnalistaŭ, siabram jakoj jość fatohraf Surapin, biezvynikova sprabavała telefanavać u dziažurnuju častku KDB, pryjomnuju dy ich Centr infarmacyi. Telefony nie adkazvajuć.

Aparat Antona ŭklučaŭsia tolki na hadzinu — z 15-j da 16-j — ale numar byŭ zaniaty abo nichto nie adkazvaŭ. Pavodle stanu na 20:00, mabilny apieratar Surapina paviedamlaje: «Abanient časova niedasiažny».

Apošniaje, što paśpieŭ paviedamić fatohraf kaleham, — toje, što KDB-šniki pryjšli da jaho dachaty ź pieratrusam z nahody zdymkaŭ šviedskich miadźviedzikaŭ. Resurs, jakim kiruje Surapin, 4 lipienia pieršy ŭ Biełarusi apublikavaŭ fotazdymki skinutych z samalota plušavych cacak. Jak paviedamlajuć podpisy pad fota, ich prysłaŭ ananim.

Chto taki Surapin

Anton vučycca na 3-m kursie Instytutu žurnalistyki BDU, redahuje i zapaŭniaje ŭłasny sajt — «Biełaruskija naviny ŭ fota». Kala hoda tamu dałučyŭsia da Biełaruskaj asacyjacyi žurnalistaŭ.

Arandavanaja kvatera, u jakuju siońnia naviedalisia pracaŭniki KDB, pavodle dziŭnaha supadzieńnia mieścicca jakraz nasuprać budynku KDB. Anton u hutarkach ź siabrami raspaviadaŭ, što ź jahonych voknaŭ možna bačyć, čym zajmajucca čekisty.

Chłopiec pachodzić sa Słucka. Pavodle nieaficyjnych źviestak, miascovyja KDB-šniki pačali vykazvać intares da internet-prajektu Surapina, jak tolki toj źjaviŭsia ŭ siecivie. U svoj čas pradstaŭniki śpiecsłužbaŭ prychodzili z papiaredžańniami dy niapeŭnymi pahrozami da baćkoŭ Antona.

belsat.eu

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH