U Minsku kolkaść vakansij u 7,9 razu pieravyšaje kolkaść biespracoŭnych. Pra heta paviedamlaje BiełTA sa spasyłkaj na ŭpraŭleńnie palityki zaniataści Ministerstva pracy i sacyjalnaj abarony. Pry hetym rynak pracy pa-raniejšamu aryjentavany na pracoŭnyja prafiesii, jakija składajuć 80,4% ad ahulnaj kolkaści vakansij.

U stalicy na 1 lipienia hetaha hoda było zvyš 20,1 tys. svabodnych rabočych miescaŭ, a biespracoŭnych zarehistravana na hetuju datu mienš za 2,6 tys. čałaviek.
U stalicy bolš za ŭsio vakansij u śfiery budaŭnictva — pradpryjemstvy hatovyja pryniać na pracu plitačnikaŭ, tynkoŭščykaŭ, malaroŭ, mantažnikaŭ i h.d. Adčuvajecca deficyt rabočych ruk u śfierach handlu i hramadskaha charčavańnia, transpartu i suviazi.

Pavodle słovaŭ śpiecyjalistaŭ, va ŭsich rehijonach respubliki kolkaść vakansij značna pieravyšaje kolkaść biespracoŭnych. A ŭ cełym pa Biełarusi na 1 lipienia hetaha hoda vakansij było ŭ 2,4 razu bolš, čym biespracoŭnych. Tak, u ahulnarespublikanskim banku vakansij (zychodziačy z zajavak najmalnikaŭ u orhany pa pracy, zaniataści i sacabaronie) naličvałasia zvyš 66,6 tys. svabodnych rabočych miescaŭ (dla paraŭnańnia: na 1 červienia hetaha hoda ich było 65,6 tys., na 1 traŭnia — 59 tys., na 1 krasavika — 56,9 tys., na 1 sakavika — 54,2 tys., na 1 lutaha — 53 tys., na 1 studzienia — 51,7 tys.).

Prapanavanyja ŭ raździele «Vakansii» na sajcie Minharvykankama pazicyi i zarobak pa ich zbolšaha mohuć rastłumačyć takuju kolkaść niezapoŭnienych pracoŭnych miescaŭ. Naprykład,

Respublikanski instytut kantrolu viedaŭ šukaje inžyniera-prahramista na zarpłatu ad 1,05 młn rubloŭ u miesiac. Spašukalnikam hetaj pasady navat daviadziecca prajści konkursny adbor.
A voś siaredniaj škole № 69 Minska nieabchodny nastaŭnik pačatkovych kłasaŭ. Śpiecyjalistu z vopytam raboty prapanujecca ad 1,5 młn u miesiac.

Budaŭnikam pry ich prykmietnym deficycie prapanujuć krychu bolš. U AAT «MAPID» hatovyja płacić ad $350 u miesiac, pryvatnyja kampanii adrazu abiacajuć ad $500.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?