Aktyvista «Jeŭrapiejskaj Biełarusi» Andreja Moŭčana prykładna, a 12.40 pryvieźli ŭ sud Pieršamajskaha rajona. Sudovaje pasiadžeńnie adbudziecca paśla pierapynku na abied.

Andrej paśpieŭ skazać, što jaho mocna źbili, bili pa hałavie i pa nyrkach, i ciapier jon drenna čuje.

Moŭčana zatrymali ŭ noč ź piatnicy na subotu ŭ mikrarajonie Uručča byccam by za toje, što pad mostam jon prykleiŭ nalepku «Nie — śmiarotnamu pakarańniu». Darečy, nalepka visić i dahetul. Jaho vinavaciać pavodle art. 23.14 KoAP (parušeńnie praviłaŭ dobraŭparadkavańnia haradoŭ) i art. 17.1 (drobnaje chulihanstva), paviedamlaje Radyjo Svaboda.

***

Nahadajem, 4 lipienia sud Pieršamajskaha rajona Minska aštrafavaŭ Andreja Moŭčana na vosiem bazavych vieličyń (800 tysiač rubloŭ), pryznaŭšy jaho vinavatym pavodle artykuła 23.34 Kodeksa ab administracyjnych pravaparušeńniach (parušeńnie paradku arhanizacyi ci praviadzieńnia masavaha mierapryjemstva ci pikietavańnia).

Moŭčan byŭ zatrymany milicyjaj 19 maja kala ŭniviersama «Pieršamajski» ŭ Minsku. U znak salidarnaści sa źniavolenym viciebskim apazicyjanieram Siarhiejem Kavalenkam jon razharnuŭ bieł-čyrvona-bieły ściah. Praź niekalki chvilin da aktyvista padjechała mašyna z supracoŭnikami milicyi. Aktyvista mocna źbili. U balnicy, kudy jaho dastavili, uračy zafiksavali ŭ jaho čerapna-mazhavuju traŭmu i pierałom skivicy.

Клас
0
Панылы сорам
0
Ха-ха
0
Ого
0
Сумна
0
Абуральна
0