U sudzie Pieršamajskaha rajona pačaŭsia razhlad administracyjnaj spravy aktyvista «Jeŭrapiejskaj Biełarusi» Andreja Moŭčana, zatrymanaha supracoŭnikami milicyi ŭnačy 14 lipienia.

Jaho vinavaciać pavodle art. 23.14 KaAP (parušeńnie praviłaŭ dobraŭparadkavańnia haradoŭ) i art. 17.1 (drobnaje chulihanstva). Pry zatrymańni Moŭčana mocna źbili.

Siońnia ŭ sudzie byli vysłuchanyja pakazańni Moŭčana. Adnak na praces nie źjavilisia śviedki-milicyjanty. Z hetaj pryčyny razhlad spravy pieraniesieny na 24 lipienia. Moŭčana da suda vypuścili na svabodu.

Nahadajem, što Moŭčana zatrymali ŭ noč ź piatnicy na subotu ŭ mikrarajonie Uručča byccam by za toje, što pad mostam jon prykleiŭ nalepku «Nie — śmiarotnamu pakarańniu».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?