Stała viadoma, što Anton Surapin, zatrymany ŭ spravie «šviedskaj miedźviedziroŭki», padazrajecca pa č.3 artykuła 371 Kryminalnaha kodeksa Biełarusi (naŭmysnaje niezakonnaje pierasiačeńnie dziaržaŭnaj miažy, ździejśnienaje arhanizavanaj hrupaj, karajecca pazbaŭleńniem voli na termin ad troch da siami hadoŭ z kanfiskacyjaj majomaści abo biez kanfiskacyi).
Antona padazrajuć u spryjańni hetym złačynnym dziejańniam (art. 16 KK RB), hruntujučysia na raźmieščanych im u internecie ekskluziŭnych fota «šviedskich miadźviedzikaŭ».
Učora jaho ŭpieršyniu dapytaŭ śledčy.
— Advakat paviedamiŭ, što pieršy dopyt redaktara sajta bnp.by adbyŭsia ŭ paniadziełak 16 lipienia, u toj čas jak Antona zatrymali 13 lipienia, i ŭsie vychodnyja jon pravioŭ u SIZA KDB,— prakamientavaŭ namieśnik staršyni Biełaruskaj asacyjacyi žurnalistaŭ Andrej Bastuniec. — Termin utrymańnia pad vartaj padoŭžany jašče na 10 sutak. Baćki Antona ŭžo naniali jamu advakata.
Pavodle Bastunca, padaŭžeńnie ŭtrymańnia pad vartaj nie aznačaje, što Antonu Surapinu pradjaviać abvinavačvańnie.
— Na žal, heta zvyčajnaja praktyka dla našych śledčych orhanaŭ — pratrymać čałavieka ŭ źniavoleńni jak maha daŭžej. Ličycca, što pad vartaj zatrymany bolš achvotna supracoŭničaje sa śledstvam, — reziumavaŭ Andrej Bastuniec.
Tym časam baćki Antona Surapina źbirajuć rečy dla pieradačy synu.
— My bačylisia ź dziažurnym advakatam, — raspaviała Alena Surapina. — Jon skazaŭ, što Anton pačuvajecca dobra, u kamiery jon znachodzicca nie adzin. Siońnia ranicaj my naniali advakata i źbirajem rečy dla pieriedačy Antonu ŭ SIZA.
* * *
Nahadajem,
Raniej
