Ab hetym paviedamiŭ siońnia žurnalistam pieršyvice-prem jer Biełarusi Uładzimir Siamaška.
«Hienkantrakt budzie padpisany ŭ ramkach pasiadžeńnia Savieta ministraŭ Sajuznaj dziaržavy», — skazaŭ Uładzimir Siamaška.
Pavodle jaho słoŭ, hienieralny kantrakt — heta kvintesencyja ŭsich isnujučych na siońniašni dzień pahadnieńniaŭ. Jon raskazaŭ, što ŭ 2017 hodzie płanujecca zaviaršeńnie budaŭnictva pieršaha błoka, a ŭ pačatku 2018 hoda — pusk u pramysłovuju ekspłuatacyju.
Jak paviedamlałasia, hienieralnym kantraktam vyznačany abaviazacielstvy i adkaznaść bakoŭ, terminy realizacyi prajekta, jaho prykładny košt na pieryjad da 2020 hoda, umovy płaciažoŭ, pastaŭki abstalavańnia, arhanizacyja budaŭnictva, pryjomka enierhabłokaŭ i inšyja ŭmovy.
Uvod u ekspłuatacyju AES daść mahčymaść Biełarusi štohod zamiaščać amal 5 młrd. kub.m impartujemaha pryrodnaha hazu, źnizić sabiekošt vytvorčaści elektraenierhii, źmienšyć uzrovień vykidaŭ parnikovych hazaŭ u atmaśfieru i značna pavysić uzrovień enierhabiaśpieki.
