Pravaabaronca Nasta Łojka paviedamiła, što ŭ minskim Domie pravasudździa źnikła jaje kaleha Kasia Halickaja.
Halickaja pryjechała na sudovyja pracesy nad zatrymanymi siońnia ranicaj u Minsku maładafrontaŭcami Uładzimiram Jaromienkam i Alaksandram Vasiljevym.«Ciapier nam paviedamlajuć, što ŭ sudzie Halickaj niama, a jaje telefon amal hadzinu nie adkazvaje. U nas niama dakładnaj infarmacyi, ale my miarkujem, što jana zatrymanaja supracoŭnikami milicyi», — skazała Łojka.
Raman Pratasievič, Uładzimir Jaromienak i Raman Vasiljeŭ byli zatrymanyja ranicaj 17 lipienia ŭ Kastryčnickim rajonie Minska prykładna ŭ 7.30. Ich dastavili va UUS Kastryčnickaha rajona Minska, dzie na Jaromienka i Vasiljeva byli składzienyja pratakoły ab drobnym chulihanstvie pa artykule 17.1 Kodeksa ab administracyjnych pravaparušeńniach. Raman Pratasievič byŭ adpuščany z UUS jak niepaŭnahadovy.
***
Nahadajem, siońnia ranicaj Kasia Halickaja vykazała mierkavańnie, što aryšt maładych aktyvistaŭ moža być previentyŭnaj mieraj napiaredadni pryjezdu ŭ Minsk prem'
Pravaabaronca taksama paviedamiła, što joj i zatrymanym aktyvistam napiaredadni telefanavali supracoŭniki milicyi z prapanovaj «parazmaŭlać», adnak maładyja ludzi kantaktavać ź milicyjaj admovilisia.
