Kaho vaźmuć u milicyjaniery?

U VNU pieršaha patoku — chutka zaličeńnie. Akademija Ministerstva ŭnutranych spraŭ, apublikavała papiarednija prachadnyja bały dla pastupleńnia na dzionnuju formu navučańnia. Ci stali abituryjenty milicejskaha VNU bolš padrychtavanymi ŭ paraŭnańni ź minułym hodam?

Na fakultecie milicyi (śpiecyjalnaść «Pravaznaŭstva») papiaredni prachadny bał — 164 (u minułym hodzie byŭ 156). Na kryminalna-vykanaŭčym fakultecie — usiaho 139 (157 u 2011-m). Na śledča-ekśpiertny fakultet («Pravaznaŭstva») zaličać abituryjentaŭ, jakija nabrali 147 bał (170 u minułym hodzie). Na hetym ža fakultecie (śpiecyjalnaść «Sudovaja ekśpiertyza») papiaredni prachadny bał skłaŭ 222 (u minułym hodzie — 180).

Źviestki pakul papiarednija, ale i jany dazvalajuć zrabić vysnovu: situacyja nie źmianiłasia. Bały, nabranyja budučymi abituryjentami najbolš zapatrabavanaj śpiecyjalnaści fakulteta milicyi, nievysokija.

Darečy, jak raspavioŭ u intervju haziecie «Respublika» načalnik Akademii MUS Uładzimir Bačyła, u hetym hodzie zajavy ŭ VNU padali na 20% mienš abituryjentaŭ, čym u minułym.

«Taki spad źviazany z padzieńniem naradžalnaści 15–17 hadoŭ tamu, — miarkuje načalnik. — Ź ich 400 čałaviek stanuć kursantami. Našy kursanty davoli adkazna staviacca da abranaj prafiesii. Z 1765 vypusknikoŭ, jakich my vypuścili z 2006 pa 2010 hod, paśla adpracoŭki z orhanaŭ zvolniłasia tolki 192 čałavieki — heta kala 11%».

dengi.onliner.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH