Kolkaść miescaŭ dla śpielealačeńnia ŭ Biełarusi nieabchodna pavialičyć. Takuju zadaču pastaviŭ kiraŭnik Biełarusi, naviedvajučy Respublikanskuju balnicu śpielealačeńnia ŭ Salihorsku. Špital naroŭni z tradycyjnymi mietadami lačeńnia ŭžo 22 hady ažyćciaŭlaje śpiecyjalizavanaje kursavoje lačeńnie pacyjentaŭ z chvarobami orhanaŭ dychańnia mietadam śpieleaterapii. Pacyjenty prachodziać lačeńnie ŭ śpielealakarni, raźmieščanaj na hłybini 420 m u masivie kamiennaj soli i płaście z utrymańniem kaliju na bazie kalijnaha rudnika 1ha rudaŭpraŭleńnia AAT «Biełaruśkalij».
Paśla rekanstrukcyi lačeńnie tut mohuć prachodzić da 120 čałaviek. U lakarni zaŭsiody stabilny mikraklimat, aptymalny aerazolny, hazavy i ionny skład pavietra, što źjaŭlajecca asnoŭnym lekavym faktaram.
Spuściŭšysia ŭ padziemnaje adździaleńnie, prezident ahledzieŭ pałaty, dzie prachodziać lačeńnie pacyjenty jak u dzionny, tak i ŭ načny čas. Tut ža raźmieščanyja spartyŭnyja zały dla zaniatkaŭ valejbołam, tenisam. Kiraŭnik dziaržavy ličyć, što kolkaść miescaŭ dla śpielealačeńnia možna pavialičyć. «Tut možna ŭščylniacca. Mahčymaści dla hetaha jość. Naprykład, dla dziaciej možna ŭstalavać dvuchjarusnyja łožki», — skazaŭ Łukašenka. «Treba najaŭnyja płoščy vykarystoŭvać pa maksimumie. Padydzicie da vyrašeńnia pytańnia
Łukašenka źviarnuŭ uvahu na toje, što pasłuhi balnicy zapatrabavanyja nie tolki siarod biełarusaŭ, ale i ŭ žycharoŭ zamiežža. Jon ličyć, što tut jość mahčymaści dla pavieličeńnia ekspartu miedycynskich pasłuh. «Ciapier možna na hetym zarablać hrošy», — adznačyŭ Łukašenka. Jon daručyŭ uvažliva vyvučyć hetaje pytańnie. «Da 1 vieraśnia tut usio pavinna być idealna», — padkreśliŭ kiraŭnik dziaržavy.
Za ŭvieś pieryjad dziejnaści balnicy lačeńnie tut prajšli bolš za 32 tys. čałaviek ź Biełarusi i inšych dziaržavaŭ:naprykład, Kazachstana, krain Bałtyi, Rasii, Ukrainy. Štohod tut lečacca kala 2 tys. pacyjentaŭ, ź ich 20% składajuć dzieci 10–17 hadoŭ.
Efiektyŭnaść śpieleaterapii vielmi vysokaja i va ŭmovach stacyjanara pry prachodžańni poŭnaha kursa lačeńnia dasiahaje 97%. Najbolš značny efiekt atrymany ŭ pacyjentaŭ z alerhičnaj formaj branchijalnaj astmy. U 99,3% pacyjentaŭ nazirajecca pamianšeńnie častoty prystupaŭ, pry hetym u 42% paśla zaviaršeńnia kursu lačeńnia nadychodzić poŭnaje spynieńnie prystupaŭ udušša. Pavodle acenki, u śpielealačeńni majuć patrebu prykładna 37 tys. žycharoŭ Biełarusi, u tym liku kala 10 tys. dziaciej. Vysokaja terapieŭtyčnaja i ekanamičnaja efiektyŭnaść mietadu śpieleaterapii ciahnie za saboj vialiki popyt na akazańnie hetaha vidu pasłuh. Dzień znachodžańnia ŭ hetaj balnicy abychodzicca hramadzianam Biełarusi ŭ 300–400 tys. rubloŭ. Zamiežniki płaciać za takija ž pracedury $65–100.
