Na leśvicy Novaha karaleŭskaha zamka ŭ Hrodnie
ciapier možna na chvilinu ŭjavić siabie apošnim karalom Stanisłavam Aŭhustam Paniatoŭskim. Varta tolki ŭstavić hałavu ŭ avał karciny, adkul karaleŭski tvar vyrazany, i zrabić zdymak. Kaštuje heta ŭsiaho dźvie tysiačy rubloŭ.
Žančyny mohuć stać na chvilinu caroŭnaj asobaj. Podpisu niama, ale paznajecca imperatryca Kaciaryna II. Cana taja ž — dźvie tysiačy.
Ličycca histaryčna dakazanym, što Stanisłaŭ Aŭhust Paniatoŭski, kali jaho vypravili ŭ Sankt-Pieciarburh ambasadaram Rečy Paspalitaj, staŭ kachankam budučaj impieratrycy.
Paźniej Kaciaryna II adyhrała vializnuju rolu ŭ skasavańni Rečy Paspalitaj. Paniatoŭski adroksia ad karaleŭskaha pasadu ŭ Novym zamku ŭ Hrodnie. Tut jon i zastavaŭsia pad chatnim aryštam da vymušanaha adjezdu ŭ Sankt-Pieciarburh, dzie paźniej pamior.
