Novy aŭtobusny maršrut pamiž Minskam i krainami Bałtyi (Minsk — Paniaviežys — Ryha) bujnoha mižnarodnaha apieratara Lux Express Group byŭ pradstaŭleny 18 lipienia ŭ Minsku ŭ pasolstvie Łatvii.

Jak adznačyŭ u pryvitalnym słovie pasoł Estonii ŭ Biełarusi Jaak Lensmient, «novy maršrut budzie sadziejničać kantaktam pamiž ludźmi našych krain». Pavodle jaho słoŭ, jaho dačka ŭžo skarystałasia novaj pasłuhaj i zastałasia zadavolenaja.

Jak paviedamiła načalnik adździeła prodaž i markietynhu pradstaŭnictva kampanii ŭ Rasii Volha Andryjenka, novy maršrut pracuje štodzionna z 20 červienia.
Pieravozka pasažyraŭ ažyćciaŭlajecca aŭtobusami kłasa lux — Scania Irizar, jakija vyznačajucca bolš šyrokaj, čym zvyčajna, adlehłaściu pamiž radami. Pasažyram padčas pajezdki dajecca mahčymaść biaspłatnaha karystańnia biespravodnym internetam Wi-Fi, razietkami dla zaradki mabilnych pryład, kava-mašynaj, pastajanna dziejnaj prybiralniaj. Za dadatkovuju płatu dajucca paduški i koŭrdy.

Košt pajezdki ad Minska da Paniaviežysa składaje 15 jeŭra, da Ryhi — 27. Z Paniaviežysa i Ryhi arhanizujucca stykovačnyja rejsy ŭ harady krain Bałtyi, Jeŭropy i Rasii.

Jak skazała Andryjenka, kampanija Lux Express Group była zasnavanaja ŭ 1992 hodzie estonskim pradprymalnikam Chuha Asuła i za 20 hadoŭ z «nievialikaha pieravozčyka pieratvaryłasia ŭ najbujniejšaha apieratara mižnarodnych pasažyrskich pieravozak u Bałtyi». Siońnia ŭ kampanii adkrytyja pradstaŭnictvy ŭ Estonii, Łatvii, Litvie, Polščy i Rasii. «U Biełarusi adkryvać pradstaŭnictvy my pakul nie płanujem», — paviedamiła načalnik adździeła. Bilety možna nabyć jak u kasach minskich aŭtavakzałaŭ, tak i pa internetu.

Pavodle słoŭ načalnika, u rasparadžeńni kampanii znachodziacca bolš čym 50 sučasnych aŭtobusaŭ, jakija pracujuć na 14 maršrutach. Za apošnija 5 hadoŭ kampanija inviestavała ŭ nabyćcio aŭtobusaŭ bolš čym 4 młn. jeŭra. Jaje abarot składaje zvyš 10 młn. jeŭra, pasažyrapatok — 450 tys.

.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?