Iryna Suchij i Michaił Mackievič u milicejskim aŭto pierad sudom.

Iryna Suchij i Michaił Mackievič u milicejskim aŭto pierad sudom.

U Minsku zatrymany kaardynatar manitorynhavaj hrupy Centra pravavoj transfarmacyi Michaił Mackievič.

Jak paviedamiła śpiecyjalist pa suviaziach z hramadskaściu Centra pravavoj transfarmacyi Alina Kurlenka, Mackievič byŭ zatrymany nieviadomymi razam z aktyvistkaj biełaruskaj antyjadziernaj kampanii, staršynioj hramadskaha abjadnańnia «Ekadom» ekołaham Irynaj Suchij, kali jany vychodzili z ofisa abjadnańnia «Zialonaja sietka».

Suchij nakiroŭvałasia ŭ rasijskaje pasolstva, kab pieradać adkrytuju adozvu suprać padpisańnia hienieralnaha kantrakta na budaŭnictva biełaruskaj AES (dakumient pavinien być padpisany siońnia ŭ miežach vizitu ŭ Minsk prem'jer-ministra RF Dźmitryja Miadźviedzieva). Mackievič nakiroŭvaŭsia ŭ RAUS Leninskaha rajona, dzie, jak miarkujecca, znachodzilisia zatrymanyja niekalkimi hadzinami raniej kaardynatar kampanii Taćciana Novikava i rasijski fizik-jadzierščyk Andrej Ažaroŭski. Paśla ich zatrymańnia Suchij vyrašyła dasłać adozvu ŭ pasolstva pa faksimilnaj suviazi, a zatym padyści da rasijskaha dyppradstaŭnictva, kab dać kamientaryj žurnalistam, ale taksama była zatrymana.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?