Dziaržaŭnym zakazčykam prajekta vystupaje Viciebski abłvykankam.

Jak paviedamiła načalnik adździeła inviestycyj kamiteta ekanomiki Viciebskaha abłvykankama Śviatłana Miadźviedskaja, hety prajekt realizujecca ŭ ramkach Dziaržaŭnaj inavacyjnaj prahramy raźvićcia Respubliki Biełaruś na 2011—2015 hh. Zhodna z prajektam na terytoryi Miorskaha rajona płanujecca pabudavać zavod pa vytvorčaści mietaličnaha lista i biełaj blachi. Realizacyjaj prajekta zajmajecca TAA «MNPZ-hrup». Pavodle papiarednich padlikaŭ, abjom inviestycyj składzie 800 młrd rubloŭ. Mierkavanaja mahutnaść novaha dla krainy pradpryjemstva składzie 200 tys. ton mietałapradukcyi ŭ hod. Heta dazvolić skaracić impart u krainu anałahičnaj pradukcyi da 30%. U hrašovym vymiareńni ekanomija składzie 290 młn dalaraŭ.

Ciapier u Miorskim rajonie vyrašajucca pytańni, źviazanyja z advodam ziamielnaha ŭčastka. Jak padkreślili ŭ Viciebskim abłvykankamie, prajekt maje taksama važnaje sacyjalnaje značeńnie dla sielskahaspadarčaha rajona Viciebskaj vobłaści. Na novym pradpryjemstvie znojduć sabie pracu kala 50 čałaviek. Pobač z zavodam płanujecca stvaryć usiu nieabchodnuju dla žyćcia rabotnikaŭ sacyjalnuju infrastrukturu, uklučajučy žyłyja damy.

Termin realizacyi prajekta raźličany na 6 hadoŭ. Kab paskoryć pracy, Viciebski abłvykankam prapanuje patencyjnym inviestaram układvać niepasrednyja inviestycyi ŭ stvareńnie hetaha pradpryjemstva. Apošniaja takaja prapanova była zroblenaja delehacyi Łaryjskaj vobłaści Respubliki Armienija, jakaja naviedała dniami Viciebščynu z rabočym vizitam i ź jakoj padpisanaje pahadnieńnie ab supracoŭnictvie i pabracimskich suviaziach. Reč u tym, što Łaryjskaja vobłaść Armienii maje zapasy miedna-malibdenavaj rudy i zołata, i jaje ŭdzieł u prajekcie moža być cikavy abodvum bakam.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?