Dla BATE pačałasia jeŭrakubkavaja para. Sioleta jana tryvožnaja. Da startu ŭ Lizie čempijonaŭ kamanda padyšła nie ŭ najlepšym maralnym stanie. BATE nie moža pieramahčy ŭ troch matčach zapar. A da ŭsiaho jašče piaciora futbalistaŭ źjechali ŭ Łondan na Alimpijadu.

Asablivaje abureńnie dyrektara barysaŭcaŭ Anatola Kapskaha vyklikała adsutnaść Bresana. Niadaŭni brazilec pahadziŭsia pajechać na Hulni. Jašče źjechaŭ Dźmitryj Baha, tamu i ŭźnikali peŭnyja prablemy ŭ centry pola. Na ščaście, Kandraćjeŭ adpuściŭ na hulniu Palakova, jaki farsiŭ ružovymi bucami.

«Vardar» — šaścirazovy čempijon Makiedonija. Adzinaja kamanda z hetaj maleńkaj krainy, jakaja zmahła stać čempijonam Juhasłavii. Paru hadoŭ tamu BATE ŭžo sustrakaŭsia z kamandaj sa Skopje — «Makiedonijaj». U abiedźviuch sustrečach barysaŭcy apynulisia macniej. «Vardar» nie takaja i prostaja kamanda. Niekali na joj abpaliŭsia maskoŭski CSKA.

Pierad hulnioj u Barysavie prajšoŭ doždž i nad stadyjonam źjaviłasia pryhožaja viasiołka. Faktyčna za śpinami fan-siektara BATE. Chłopcy, darečy, nie škadavali siabie. Ich padtrymka była istotnaj. Niekalki razoŭ zaradžali pa-biełarusku «Usio žyćcio BATE Barysaŭ». Małajcy.
«Vardar» svajoj formaj nahadaŭ «Miłan», a voś hulnioj, chutčej, žodzinskaje «Tarpieda». BATE atakavaŭ, a «Vardar» abaraniaŭsia. Praŭda, nie skazać, kab ataki našych byli vielmi vostryja. Usio ž Bresana z Bahaj sapraŭdy nie chapała.
Adziny hoł u pieršym tajmie zabiŭ Dźmitryj Mazaleŭski, jaki padvartavaŭ adskok paśla rozyhryšu vuhłavoha. U nieba ŭ honar hoła ŭźnialisia žoŭta-błakitnyja šaryki. Jašče try takija kamplekty čakajuć na druhi tajm:)
U pierapynku ŭ łožy presy Filipienka na mylicach, samotny Majkon i elehantnaja Natalla Marčanka razdavali małym aŭtohrafy.

***

Pačatak druhoha tajmu staŭ prosta kašmarnym dla BATE. Nakolki lohka makiedoncy arhanizavali dva hały. Spačatku Jovan Kastoŭski zabiŭ miač amal identyčny tamu, što ŭ pieršaj pałovie hulni arhanizavaŭ Mazaleŭski. Hetkaja samaja pieradača z fłanhu i padstaŭlenaja naha.

Pierad hetym ža Mazaleŭski ŭpuściŭ cudoŭny momant, Radzivonaŭ vyvieŭ jaho adzin na adzin, ale forvard nie skarystaŭsia šancam.

Paśla prapuščanaha hołu kamanda Viktara Hančarenki nibyta trapiła ŭ stupar. Hetym skarystaŭsia Astoja Ściepanavič — 1:2.

Makiedoncy ciahnuć čas da nieprystojnaści. Čatyry razy ich futbalisty kačalisia na travie, pakazvajučy jak im niaścierpna baluča, jak tolki bałkancaŭ vynosili za miežy pola, to jany ŭskokvali ź imknieńniem chutčej ustupić u hulniu. Zrešty, jany mieli na toje prava. «Vardar» vyjhravaŭ.

Cudoŭny momant vyraŭnić stanovišča byŭ u Vaładźko.

Užo ŭ kampiensavany čas Vital Radzivonaŭ hałavoj zmoh vyratavać dla BATE ničyju — 2:2. A jašče praź dźvie chviliny jon ža aformiŭ pieramohu BATE - 3:2.
Abodva hały BATE zabiŭ u dadatkovy čas. Nibyta MIU ŭ finale Lihi čempijonaŭ-1999 :) Ale ŭ lubym vypadku ŭ Skopje našym budzie nialohka.

Hančarenka paśla hulni pajšoŭ dziakavać fanatam.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?