Kiroŭca hruzavika «Mersedes» z paŭpryčepam vioz hruz z Karelickaha rajona ŭ Lidu, paviedamlaje sajt DAI Hrodna i Hrodzienskaj vobłaści. Pierad im jechaŭ lehkavy «Mersedes» i hruzavik, jaki pačaŭ prymać uprava da kramy, kab vyhruzić pradukty. Aŭto, što jechali napieradzie, pačali źnižać chutkaść. Kiroŭca hruzavoha «Mersedesa» zaŭvažyŭ heta zanadta pozna.

U vyniku ekstranaha tarmažeńnia i rezkaha pavarotu rula ŭprava, hruzavik pajšoŭ juzam, i kiroŭca całkam straciŭ kantrol nad im. Spačatku jon źnios lehkavy pryparkavany na stajancy kala kramy lehkavy «Folksvahien», pierakliŭšy jaho na dach. Lehkavik naležyć zahadčycy kramy. Ad udaru i sam hruzavik zavaliŭsia na bok i spyniŭsia tolki la ŭvachodu ŭ kramu, rassypaŭšy raps.

Cud, što ŭ hety čas na jaho šlachu nie było ludziej. Paciarpieŭ tolki kiroŭca hruzavika, jon atrymaŭ rezanyja rany tvaru.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?