«Takaja rekanstrukcyja nikomu nie patrebna. Heta apošni zamak, dzie ja chadžu i ŭsio trymaju na kantroli.
Siadajcie i dumajcie, jakim budzie pradpryjemstva pa restaŭracyi. Treba ŭsich abjadnać u adnu arhanizacyju. A to my tam tracim šalonyja hrošy, robim u razy daražej, čym kali b zamiežniki rabili», — skazaŭ jon.

Jon daručyŭ unieści jamu prapanovy pa stvareńni arhanizacyi, jakaja abjadnała b usich restaŭrataraŭ».

Jak dałažyŭ Łukašenku ministr kultury Pavieł Łatuška, pałacava-parkavy ansambl užo akazvaje ceły šerah płatnych pasłuh. Za try apošnija hady vyrasła kolkaść naviedvalnikaŭ kompleksu. Kali ŭ 2010 hodzie pałacava-parkavy ansambl naviedali 173 tys. čałaviek, u 2011-m — 210 tys., to za pieršaje paŭhodździe 2012 hoda — kala 136 tys. čałaviek. Čakajecca, što da kanca hoda tut pabyvajuć kala 300 tys. naviedvalnikaŭ. U 2011 hodzie dachody ad płatnych pasłuh skłali Br1,5 młrd. Pavodle słoŭ Paŭła Łatuški, na praciahu dvuch-troch hadoŭ kompleks vyjdzie na 100-pracentnuju akupnaść zatrat na ŭtrymańnie abjekta. Ministr taksama adznačyŭ, što košt bileta na naviedvańnie pałacava-parkavaha ansambla budzie składać Br50 tys., dla niekatorych katehoryj hramadzian praduhledžana 50-pracentnaja lhota.

Alaksandr Łukašenka aznajomiŭsia z ekspazicyjaj adrestaŭravanaha Niaśvižskaha zamka.
Ciapier usie raboty pa adnaŭleńniu i restaŭracyi kompleksu vykanany. Adnoŭleny i adrestaŭravany Zamak, Kamianica, Arsienał, paŭdniovaja i ŭschodniaja halerei, prybudova da zamka, ujazny most, padziemnyja chady abaronnych zbudavańniaŭ, roŭ, padziemnyja zbudavańni pad uschodnim vałam, dobraŭparadkavana terytoryja źniešnich fartyfikacyjnych zbudavańniaŭ. Całkam adnoŭleny interjery kniaskich pakojaŭ, zamkavyja kaplicy, Załatoj, Biełaj balnaj, Palaŭničaj, Małoj stałovaj, Hietmanskaj załaŭ, inšych pamiaškańniaŭ.
Alaksandr Łukašenka prajšoŭ pa hetych załach i «ŭ cełym zastaŭsia zadavoleny ŭbačanym», jak paviedamlaje BiełTA.

Śpiecyjalistami zavieršany raboty pa restaŭracyi zachavanych interjeraŭ i ich elemientaŭ. 57 pracentaŭ ekspazicyi — aryhinalnyja pradmiety XVI — pačatku XIX stahodździa, astatniaje — kopii i sučasnaje ŭznaŭleńnie staradaŭnich aryhinałaŭ. Pavodle słoŭ ministra kultury, mižnarodnyja ekśpierty dali pazityŭnuju acenku adnoŭlenym interjeram. Adnaŭleńnia čakajuć Zamkavy, Japonski, Marysin i Anhlijski parki.

Alaksandr Łukašenka sustreŭsia taksama z pradstaŭnikami rodu Radziviłaŭ, jakija taksama pryjechali naviedać adrestaŭravany zamak.
Jany adznačyli, što ŭ cełym im padabajecca toje, što vykanana ŭ zamku. «Radziviły nikoli nie chacieli vyjazdžać adsiul, ale ŭ 1939 hodzie byli vymušany zrabić heta. Naša serca zaŭsiody tut», — skazaŭ adzin z naščadkaŭ rodu Radziviłaŭ. «Pryjazdžajcie siudy. Ciapier vam jość kudy pryjechać», — u svaju čarhu skazaŭ Łukašenka.
Łukašenka pieradaŭ u dar muzieju pojas słuckaha typu, charakterny dla pajasoŭ, jakija vyrablalisia na manufakturach Rečy Paspalitaj u 1760–1790-ja hady.
Jon vytkany z šaŭkovaj i siarebranaj pazałočanaj nitak. Alaksandr Łukašenka taksama pakinuŭ zapis u knizie hanarovych haściej pałacava-parkavaha ansambla: «Bahataja kulturnaja i histaryčnaja spadčyna Biełarusi vyklikaje pačućcio honaru ŭ kožnaha jaje žychara. Adnym z unikalnych pomnikaŭ architektury źjaŭlajecca pałacava-parkavy ansambl u Niaśvižy, jaki ŭklučany ŭ Śpis suśvietnaj spadčyny JUNIESKA. Nie adnojčy abnaŭlaŭsia jon paśla vojnaŭ, pažaraŭ i pieryjadaŭ zabyćcia. Dziakujučy rabocie restaŭrataraŭ, budaŭnikoŭ i śpiecyjalistaŭ muziejnaj spravy siońnia my bačym Niaśvižski zamak va ŭsim jaho charastvie. Niachaj i dalej hety vydatny tvor ajčynnaha dojlidstva zastajecca ŭvasableńniem kulturnaha bahaćcia Biełarusi, simvałam nievyčerpnych stvaralnych sił i zdolnaści našaha naroda».

U svaju čarhu Łukašenku na pamiać ab naviedvańni pałacava-parkavaha ansambla byŭ pieradadzieny habielen ź vidami Niaśvižskaha zamka.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?