Tekst lista raźmieščany na sajcie eŭradeputata.

«Jak mnie stała viadoma, kiraŭnictva kalonii akazvaje pastajanny cisk na hetaha źniavolenaha, — piša Mihalski. — Bolšuju častku svajho źniavoleńnia Źmicier Daškievič pravioŭ u štrafnym izalatary, a ciapier Hłybocki rajonny adździeł Śledčaha kamitetu pačaŭ suprać jaho kryminalnuju spravu pavodle materyjałaŭ pravierki, jakija pastupili z kalonii. Daškievič abvinavačvajecca ŭ "złosnym niepadparadkavańni zahadam administracyi kalonii" (artykuł 411 KK), jamu pahražaje jašče adzin hod pazbaŭleńnia voli.

Ja ŭsprymaju kroki, jakija robić administracyja Papraŭčaj kalonii № 13 u horadzie Hłybokaje ŭ adnosinach da Źmitra daškieviča, jak cisk, katavańnie i žorstkaje abychodžańnie i zaklikaju spynić pieraśled hetaha viaźnia sumleńnia».

Ja pierakanany ŭ tym, što bieśpierapynny pieraśled Źmitra Daškieviča ŭ suviazi z parušeńniami režymu skiravany na psychalahičny i fizyčny cisk suprać jaho", — piša Mihalski.

Jon nahadvaje, što biełaruskija ŭłady majuć abaviazańnie zachoŭvać fizyčnuju i psychičnuju niedatykalnaść źniavolenych i, zhodna z ratyfikavanaj Biełaruśsiu Kanvencyjaj suprać katavańniaŭ, lubyja formy katavańniaŭ i žorstkaha abychodžańnia ŭ turmach niedapuščalnyja.

Źmicier Daškievič byŭ aryštavany za dzień da prezydenckich vybaraŭ, 18 śniežnia 2010 hodu, i asudžany na dva hady źniavoleńnia pavodle artykułu ab złosnym chulihanstvie. Daškieviča i jaho tavaryša pa niezarehistravanym «Maładym froncie» Eduarda Łobava abvinavacili ŭ źbivańni dvuch čałaviek.

Svajoj viny Źmicier Daškievič nie pryznaje i kaža pra pravakacyju specsłužbaŭ. Pravaabarončaja arhanizacyja «Mižnarodnaja amnistyja» pryznała Źmitra Daškieviča viaźniem sumleńnia.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?