Navučańnie ŭ BDU i BDUIR padaražeła amal da 2 tys. dalaraŭ 10

Samymi darahimi śpiecyjalnaściami dla pieršakurśnikaŭ BDU stanuć «pravaznaŭstva» i «ekanamičnaje prava» na jurydyčnym fakultecie, «mižnarodnaje prava» na fakultecie mižnarodnych adnosin — 14 młn. 950 tys. rubloŭ, samymi tannymi — «biełaruskaja fiłałohija (pa napramkach)», «rasiejskaja fiłałohija (pa napramkach)» na fiłałahičnym fakultecie, a taksama «sacyjalnaja praca» na humanitarnym fakultecie. Hetyja śpiecyjalnaści stajać 10 młn. 700 tys. rubloŭ, paviedamlaje BiełTA.

Takaja infarmacyja raźmieščana, naprykład, na sajcie Biełaruskaha dziaržaŭnaha ekanamičnaha ŭniviersiteta.

U paraŭnańni ź minułym hodam košt navučańnia vyras prykładna na 39% i składaje bolš čym 11 młn. 358 tys., ci 11 młn. 587 dla studentaŭ dzionnaj formy navučańnia (raniej — zvyš 6 młn. 932 tys. i 7 młn. 185 tys. adpaviedna.

Košt navučańnia dla studentaŭ zavočnaj formy navučańnia składzie bolš čym 4 młn. 406 tys (raniej — bolš za 2 młn. 594 tys., ci 2 młn. 610 tys.)

Taksama značna vyras košt navučańnia studentaŭ-pieršakurśnikaŭ u Biełaruskim dziaržaŭnym univiersitecie infarmatyki i radyjoelektroniki. Novyja ceny raźmieščany na sajcie VNU.

Na inžynierna-ekanamičnym fakultecie košt navučańnia vyras na 52% — z 9 młn. 680 tys. da 14 młn. 700 tys. rubloŭ; na fakultecie kampjutarnych sistem i sietak, fakultecie infarmacyjnych technałohij i kiravańnia — prykładna na 45% — z 10 młn. 155 tys. da 14 młn. 700 tys. rubloŭ;

na fakultecie kampjutarnaha prajektavańnia i fakultecie radyjotechniki i elektroniki — na 39% — z 9 młn. 135 tys. da 12 młn. 700 tys. rubloŭ; na fakultecie telekamunikacyj — prykładna na 25% — z 9 młn. 48 tys. da 12 młn. 700 tys.

Košt navučańnia dla studentaŭ BDUIR dla viačerniaj formy navučańnia składzie dla ŭsich śpiecyjalnaściej 8 młn. 700 tys. rubloŭ, dla zavočnaj — 4 młn. 500 tys. rubloŭ, dla dystancyjnaj formy navučańnia za vyvučeńnie adnoj dyscypliny — 410 tys. rubloŭ (raniej adpaviedna 6 młn. 615 tys. rubloŭ, 4 młn. 85 tys. rubloŭ i 338,5 tys. rubloŭ).

Taksama staŭ viadomy košt navučańnia ŭ Viciebskim dziaržaŭnym univiersitecie imia Piatra Mašerava. Dla śpiecyjalnaści «pravaznaŭstva» pieršaha kursa jana składzie 12 młn. 208 tys. rubloŭ, dla studentaŭ usich astatnich śpiecyjalnaściej — 10 młn. 758 tys. rubloŭ. Na zavočnym adździaleńni košt navučańnia na śpiecyjalnaści «pravaznaŭstva» składzie bolš čym 3 młn. 705 tys. rubloŭ za hod, na astatnich — zvyš 3 młn. 500 tys.

Treba adznačyć, što hałoŭnaja VNU krainy — BDU — i bolšaść inšych biełaruskich VNU ŭsio jašče nie abjavili košt navučańnia dla studentaŭ-pieršakurśnikaŭ. Pry hetym ministr adukacyi Siarhiej Maskievič 26 lipienia zajaviŭ, što ceny na navučańnie studenta-pieršakurśnika pavinny być abjaŭleny VNU ŭ toj ža dzień — 26 lipienia. Pavodle jaho słoŭ, u siarednim navučańnie adnaho studenta-biudžetnika ŭ VNU abychodzicca dziaržavie ad 18 młn. rubloŭ u hod.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH