Milicyja: U turystyčny aŭtobus u Minsku nie stralali, u jaho trapiŭ kamień 2

Pavodle papiaredniaj viersii, u turystyčny aŭtobus u Minsku trapiŭ kamień. Tym samym u milicyi nie paćviardžajuć viersii pra toje, što turysty byli nibyta abstralanyja ź pnieŭmatyčnaj zbroi, paviedamiŭ pres-sakratar HUUS Minharvykankama Alaksandr Łastoŭski.

«Zaraz ekśpierty pravodziać pravierku, ale pakul usio pakazvaje na toje, što ŭ škło aŭtobusa trapiŭ nievialiki kamień z-pad kołaŭ aŭtamabila, što prajazdžaŭ mima. Pra heta śviedčyć charaktar ​​atrymanych aŭtobusam paškodžańniaŭ, a taksama šerah spadarožnych abstavinaŭ», — raspavioŭ Alaksandr Łastoŭski.

«Kančatkovuju vysnovu možna budzie zrabić, kali buduć hatovyja vyniki ekśpiertyzaŭ, pravierka moža doŭžycca da 10 dzion», — padkreśliŭ pres-sakratar.

Jak paviedamlałasia, 27 lipienia ŭ 18.30 turystyčny aŭtobus ź biełaruskimi turystami viartaŭsia ŭ Minsk z Kryma. Užo ŭ stalicy na Partyzanskim praśpiekcie ŭ adno z bakavych škłoŭ niešta trapiła, z-za čaho ŭtvaryłasia nievialikaja skraznaja adtulina. U incydencie nichto nie paciarpieŭ.

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH