Fielipie Kitadai i jaho bronzavy miedal da taho, jak jany schadzili ŭ duš.
Alimpijskija miedali, dyzajn jakich byŭ uchvaleny ledź nie ŭsimi ŭdzielnikami Hulniaŭ, akazalisia nie nadta tryvałymi. Bronzavy pryzior Łondana pa dziudo ŭ vahavoj katehoryi da 60 kh brazilec Fielipie Kitadai złamaŭ svaju ŭznaharodu ŭ dušy (u dadzienym vypadku nacisk na pieršy skład).
Užo praź niekalki hadzin paśla cyrymonii ŭznaharodžańnia dziudaist prosta raźbiŭ miedal.
Cikava, što ŭ duš brazilec uziaŭ jaho mienavita dla taho, kab ź im ničoha nie zdaryłasia.
«Ja bajaŭsia pakinuć miedal u pakoi i ŭziaŭ jaho z saboj u duš. Ja zacisnuŭ jaho ŭ zubach, kab jon nie vypackaŭsia myłam, ale jon vyśliznuŭ i stuknuŭsia ab dno vannaj. U jaho adłamałasia vuška, u jakoje ŭsoŭvajecca stužačka.
Pradstaŭniki Brazilii ŭžo źviarnulisia ŭ Mižnarodny alimpijski kamitet z prośbaj zamianić spartśmienu złamany miedal na novy. Chutčej za ŭsio, arhanizatary Hulniaŭ pojduć jamu nasustrač.
