23-hadovy student Varšaŭskaha ŭniviersiteta zatrymany ŭ Minsku z amfietaminam 2

U niadzielnaj prahramie «U centry uvahi» na Biełaruś-1 29 lipienia pakazali siužet, pavodle jakoha niejki 23-hadovy student Varšaŭskaha univiersiteta byŭ zatrymany ŭ Minsku z amfietaminam. Imia i proźvišča zatrymaha nie nazyvajecca, adnak častka siužetu adviedziena palityčnamu składniku ŭ złačynstvie, u styli ksienafobskaj prapahandy: «Vidać, jeŭrapiejskija pakravicieli ŭciahvajuć spačatku ŭ palityčnuju hulniu, a zatym i ŭ złačynnuju dziejnaść».

BT adznačaje, što maładoha čałavieka raniej nie raz asudžali za «ŭdzieł u niesankcyjanavanych masavych mierapryjemstvach». Akramia taho, adznačajecca jaho suviaź z Maładym Frontam i salihorskimi narkadylerami. Naprykancy žurnalisty adznačajuć, što zatrymanym pahražaje da 13 hadoŭ turmy.

«Padazreńni mohuć być praŭdaj, — skazaŭ NN adzin z salihorskich aktyvistaŭ z taho samaha pakaleńnia, što i zatrymany. — Hety čałaviek braŭ udzieł u akcyjach, jaho zatrymlivali. Ale paśla jon źjechaŭ u Polšču pa prahramie Kalinoŭskaha i z taho momantu dačynieńnia da MF nie mieŭ». «Škada, što tak zaniesła čałavieka», — dadaŭ druhi salihorac.

U repartažy nazyvajecca proźvišča Nahorny i havorycca ab jašče adnym zatrymanym. U toj ža čas salihorcy čuli tolki pra adnaho zatrymanaha. Mahčyma, u repartažy Biełaruś-1 fakty źmiašany z fantazijami.

SH

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH