Vulica Leninhradskaja.
Vulica Leninhradskaja.
Dzirki ŭ chodnikach jak cikavostka Minska? Pr.Niezaležnaści, 18.
Pr.Niezaležnaści, 18.
Pra toje, jak u Minsku kładuć plitku «Naša Niva» paviedamlała na sajcie jašče ŭ piatnicu 20 lipienia. U haziecie publikacyja vyjšła ŭ sieradu 25 lipienia. Ale z taho momantu na tych učastkach stalicy ničoha nie źmianiłasia. Jaminu ŭ chodnikach kala chimfaka BDU na vulicy Leninhradskaj pa-raniejšamu abchodziać tysiačy piešachodaŭ, nikudy nie dziełasia i dzirka za kijoskam «Biełsajuzdruku» kala doma pa adrasie pr. Niezaležnaści, 18.
Adznačym, što zafiksavanyja na fota ŭčastki — nieadzinkavyja. Na adnym tolki praśpiekcie Niezaležnaści možna naličyć dziasiatki padobnych miescaŭ.
Chto kładzie plitku ŭ Minsku
Budaŭnictvam, kapitalnym ramontam haradskich daroh zajmajecca dziaržaŭnaje pradpryjemstva «Upraŭleńnie darožna-mastavoha budaŭnictva i dobraŭparadkavańnia Minharvykankama». Hetaje ž pradpryjemstva zajmajecca i vytvorčaściu budmateryjałaŭ, u tym liku plitki.
