Čatyry nasielenych punkty ŭ Navahrudskim rajonie zastalisia bieź śviatła.
Jak paviedamlaje BiełTA, praz mocny viecier, doždž i hrad u Pinskim rajonie Bresckaj vobłaści byli paškodžanyja 44 budynki, a taksama sielskahaspadarčyja pasievy.
Da hetaha času bieź śviatła zastajucca 4 nasielenyja punkty ŭ Navahrudskim rajonie Hrodzienskaj vobłaści. Mocny viecier paškodziŭ linii elektrapieradač.
Pavodle infarmacyi BiełaPAN, u troch nasielenych punktach Łahojskaha rajona i dvuch nasielenych punktach Salihorskaha rajona (Minskaja vobłaść), a taksama ŭ pasiołku Michanavičy (Minski rajon) praz paškodžańnie linij elektrapieradač hadzinu adsutničała elektryčnaść.
Na siońnia sinoptyki pieradajuć daždžy i navalnicy ŭ centralnych i ŭschodnich rajonach krainy. Pry navalnicach miescami čakajucca mocnyja zalevy, dniom u asobnych rajonach mahčymy hrad.