Rasijskija pravaabaroncy praviaduć pikiet salidarnaści z hramadzianskaj supolnaściu Biełarusi.
«Hod tamu byŭ aryštavany i nieŭzabavie asudžany pa sfabrykavanych abvinavačvańniach na 4.5 hoda viadučy biełaruski pravaabaronca, kiraŭnik pravaabarončaha centra «Viasna», naš tavaryš i kaleha Aleś Bialacki.»
«My aburanyja tym, što
ŭ Biełarusi praciahvajucca hrubyja parušeńni pravoŭ čałavieka i represii ŭ dačynieńni da hramadzianskaj supolnaści.Heta — śmiarotnaje pakarańnie biez mahčymaści abskardzić rašeńnie suda, katavańni ŭ miescach źniavoleńnia, žorstkaje źbićcio demanstrantaŭ, previentyŭnyja zatrymańni padčas vizitaŭ vyšejšych rasijskich słužbovych asob, pazbaŭleńnie svabody niepravasudna asudžanych aktyvistaŭ, žurnalistaŭ i pravaabaroncaŭ, zabarony dla ich na vyjezd z krainy, hanieńni na advakataŭ i mnohaje inšaje. Fatahrafavańnie
skinutych z samalota na terytoryju Biełarusi plušavych mišak taksama akazałasia złačynstvam — dva čałavieki za heta zatrymanyja i mohuć atrymać turemnyja terminy.
My patrabujem ad uładaŭ Biełarusi vyzvaleńnia i reabilitacyi Alesia Bialackaha i ŭsich viaźniaŭ sumleńnia ŭ Biełarusi i spynieńnia represij.
My zaklikajem rasiejskija ŭłady spynić ekanamičnuju i palityčnuju padtrymku režymu Łukašenki.»
Akcyja pryŭročanaja da Dnia salidarnaści z hramadzianskaj supolnaściu Biełarusi 4 žniŭnia.
Čas praviadzieńnia: 3 žniŭnia, 18:00 — 20:00 Miesca praviadzieńnia: la pomnika A.Hrybajedava, m. «Čistyje prudy»
