Śledčy kamitet pravodzić pravierki pa faktach hibieli dvuch dziaciej, jakija vypali z akon u Minsku, paviedamiŭ aficyjny pradstaŭnik Upraŭleńnia Śledčaha kamiteta (USK) pa Minsku Alaksandr Hierasimaŭ.
Dźvie adnolkavyja trahiedyi adbylisia ŭ stalicy ź intervałam u dvoje sutak.28 lipienia ŭ Frunzienskim rajonie kala 21:00 hadziny trochhadovy Daniił, pakinuty biez nahladu baćkoŭ u pakoi (jany karmili małodšaje dzicia ŭ inšym pakoi), hulaŭ z starejšym bratam, zalez na padakońnik i abapiorsia ab maskitnuju sietku adčynienaha akna — macavańni nie vytrymali, i dzicia vypała z čaćviortaha pavierchu. Mienš čym praz hadzinu chłopčyk pamior u balnicy.
30 lipienia ŭ 22.30 ŭ Pieršamajskim rajonie horada Maćviej, jakomu było čatyry z pałovaj hady, hetak ža abapiorsia ab maskitnuju sietku i vypaŭ z akna kvatery na9-m paviersie.
Jak vyśvietliłasia, chłopčyk navučyŭsia machać u aknie baćkam, kali niechta ź ich sychodziŭ z chaty. Lekary zmahalisia za žyćcio dziciaci, ale biezvynikova.
«Upraŭleńnie i supracoŭniki USK vielmi zaniepakojenyja hetymi dvuma nadzvyčajnymi zdareńniami
i źviartajucca da hramadzian z nastojlivaj rekamiendacyi nie pakidać biez nahladu dziaciej navat na karotki čas»,— adznačyŭ Alaksandr Hierasimaŭ. Pavodle jaho słoŭ, śpioka moža asłabić pilnaść baćkoŭ, jakija pakidajuć vokny i bałkonnyja dźviery adčynienymi. Pry hetym dzieci nie mohuć acanić niebiaśpieku, jakoj siabie padviarhajuć.
«Starejšym nieabchodna być prykładam biaśpiečnych pavodzin dla dziaciej, staracca nie pakidać ich adnych, vučyć ich i tłumačyć, jak varta pavodzić siabie na vadajomie abo ŭ lesie padčas adpačynku, la prajeznaj častki, u pobycie», — reziumavaŭ aficyjny pradstaŭnik USK pa Minsku.
0
0
0
0
0
0
