Napiaredadni pajadynku 3-ha kvalifikacyjnaha raŭnda Lihi Jeŭropy, što projdzie 2 žniŭnia ŭ Homieli, aficyjny sajt «čyrvonych» raźmiaściŭ pamiatku ab znachodžańni anhlijskich fanataŭ u Homieli, adznačaje «Homielskaja pravda».
-- Padarožničajučy ciahnikom, trymajcie pry sabie mabilnyja telefony, hrošy, pašparty i inšyja kaštoŭnaści, - paznačana ŭ paviedamleńni. - U Biełarusi nievialikaja złačynnaść, ale pieryjadyčna byvajuć vypadki kradziažu, asabliva ŭ ciahnikach, jakija iduć u Varšavu i Maskvu.
Nie fatahrafujcie ŭradavyja budynki, vajennyja abjekty i supracoŭnikaŭ milicyi. Nie picie vadu z-pad krana, a tolki butylavanuju. Nie sprabujcie pranieści ałkaholnyja napoi na stadyjon.Viedajcie, što ŭ Biełarusi mała chto razmaŭlaje pa-anhlijsku.
U Homieli zaŭziatary «Livierpula» buduć raźmieščany na 6-m siektary stadyjona, -- havorycca ŭ paviedamleńni na aficyjnym sajcie «Livierpula».
Dyrektar «Homiela» Jaŭhien Pabałaviec paviedamiŭ u svaim Twitter, što fanaty «Livierpula» z SND vykupili 275 kvitkoŭ, a z Anhlii pakul zastajecca zajaŭka na 200 kvitkoŭ.
