Siarhiej Rumas bolš nie vice-premjer 4

Za paviedamleńniami pra adstaŭki siłavikoŭ Račkoŭskaha i Pachmiełkina, mienš zaŭvažnaj, ale nie mienš značnaj padajecca zvalnieńnie Siarhieja Rumasa z pasady namieśnika prem'jer-ministra.

Pry hetym adznačajecca, što Rumas atrymaŭ pryznačeńnie ŭ staršyni praŭleńnia AAT «Bank raźvićcia Respubliki Biełaruś». Vyhladaje, što heta budzie siniekura.

Patomny finansist Siarhiej Rumas staŭ vice-premjeram u śniežni 2010, paśla razhonu Płoščy. Adkazvaŭ za ekanamičny błok pytańniaŭ. Na hety čas prypaŭ mocny valutny i finansavy kryzis. Rumas niaredka adznačaŭsia davoli rynkavymi prapanovami, ale jakija redka byli realizavanyja. U pierapałku ź im ustupaŭ pamočnik Łukašenki Tkačoŭ.

«Bank raźvićcia Respubliki Biełaruś» stvorany letaś, jak paviedamlajecca «dla pavyšeńnia prazrystaści finansavańnia dziaržprahram». Stvorany jon byŭ pa rekamiendacyi MVF.

Taksama Siarhiej Rumas źjaŭlajecca kiraŭnikom Biełaruskaj fiederacyi futboła.

Źmicier Pankaviec

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH