Ministerstva ekanomiki pierahledzieła hraničnyja maksimalnyja taryfy na pasłuhi elektrasuviazi ahulnaha karystańnia, što akazvajucca fizičnym i jurydyčnym asobam. Heta praduhledžana pastanovaj Minekanomik №63 ad 27 lipienia 2012 hoda.

Bolšaść taryfaŭ padaražejuć na 20%. Pavyšeńnie čakaje jašče i abanientaŭ, pieraviedzienych na pahadzinnuju apłatu razmovaŭ. Dla ich abanienckaja płata za asnoŭny telefon, uklučany ŭ asobnuju abanienckuju liniju, dasiahnie 5 520 rubloŭ. Dla ŭładalnikaŭ telefonaŭ, uklučanych pa sparanaj schiemie ŭ adnu ahulnuju abanienckuju liniju i jakija majuć roznyja numary, štomiesiačnaja płata składzie 4 500. Košt chviliny razmovy budzie pavyšana da 18 rubloŭ.

Dla abanientaŭ, nie pieraviedzienych na pahadzinnuju sistemu apłaty, štomiesiačnaja płata vyraście za asnoŭny telefon indyvidualnaha karystańnia da 7 920 rubloŭ, za asnoŭny telefon kalektyŭnaha karystańnia - da Br12 000. Płata za asnoŭnyja, uklučanyja pa sparanaj schiemie ŭ adnu ahulnuju abanienckuju liniju i majučyja roznyja numary, telefony indyvidualnaha i kalektyŭnaha karystańnia składzie 6 000 rubloŭ.

Košt chviliny razmovy pa taksafonie vyraście da 48 rubloŭ. Taryfy za karystańnie radyjokropkaj uźnimucca da 1 200 rubloŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?