Biełaruskija viertaloty Mi-8, jakija znachodziacca na bajavym dziažurstvie, stali asnaščać strałkovymi kulamiotami dla źniščeńnia celaŭ małych pamieraŭ i nizkalatajučych celaŭ.

Siužet pra pieršyja treniroŭki pavietranych strałkoŭ, jakimi stali bartavyja techniki, pakazała biełaruskaje telebačańnie ŭ prahramie «Arsienał».

«Ekipaž viertalota zdolny vykanać zadačy pa pošuku i źniščeńni małapamiernych i nizkalatučych celaŭ. Dla hetaha nieabchodna na borcie viertalota Mi-8 mieć pavietranaha strałka», — skazaŭ u teleefiry načalnik štaba — pieršy namieśnik načalnika avijacyi Biełarusi Hieorhij Kudraŭcaŭ.

«Kali viertalot znachodzicca ŭ pavietry, čałaviek staić pierad adčynienymi dźviaryma i pavinien znajści cel, jaje apaznać i tolki paśla hetaha pačać stralbu — dla hetaha peŭny maralna-psichałahičny stan pavinna być, pa-druhoje — praktyčnyja navyki vykanańnia ŭstanoŭki, prycelvańnia i ŭsiaho astatniaha» , — rastłumačyŭ nieabchodnaść trenirovak H. Kudraŭcaŭ.

Aŭtar siužetu paviedamiŭ, što ciapier transpartna-bajavyja viertaloty Mi-8, abstalavanyja škvornievymi pryładami («kulamiotnyja hniozdy»), na kožnym viertalocie ŭstanoŭlena pa šeść takich hniozdaŭ.

Kurs śpiecpadrychtoŭki prachodziać bartavyja techniki z 181-j bajavoj viertalotnaj i 50-j źmiešanaj avijabazaŭ, paviedamlaje Interfaks.

***

Nahadajem, što ranicaj 4 lipienia šviedski lohkamatorny samalot na nizkaj vyšyni ździejśniŭ niezaŭvažany palot z aeradroma Pačunaj u Litvie da Minska, raskidaŭšy ŭ vakolicach Ivianca i na zachodnich uskrainach biełaruskaj stalicy sotni plušavych miadźviedzikaŭ z zaklikami ŭ padtrymku svabody słovy. Pa hetaj spravie zatrymanyja i źmieščanyja ŭ SIZA KDB fatohraf Anton Surapin (13 lipienia), jaki pieršym raźmiaściŭ na svaim sajcie bnp.by fatahrafii skinutych miadźviedzikaŭ, a taksama ryełtar Siarhiej Bašarymaŭ (6 lipienia), jaki zdavaŭ arhanizataram desantu ŭ Minsku kvateru. Pavodle nieaficyjnaj infarmacyi, im pradjaŭlena abvinavačvańnie ŭ sadziejničańni niezakonnamu pierasiačeńniu miažu, što karajecca terminam da 7 hadoŭ.

Biełaruskija ŭłady doŭha admaŭlali fakt palotu šviedskaha samalotu. Minabarony śćviardžała, što videa palotu — fotašop, ale 26 lipienia Łukašenka pryznaŭ fakt palotu, a ŭ minuły aŭtorak adpraviŭ u adstaŭku kiraŭnika Dzržaŭnaha pamiežnaha kamiteta Ihara Račkoŭskaha i kiraŭnika SPA Dźmitryja Pachmiełkina.

Клас
0
Панылы сорам
0
Ха-ха
0
Ого
0
Сумна
0
Абуральна
0