Nacyjanalny bank Biełarusi prypyniŭ na adzin hod dziejańnie licenzii ZAT «TK Bank» na ažyćciaŭleńnie šerahu bankaŭskich apieracyj, u tym liku na pryciahnieńnie hrašovych srodkaŭ fizičnych i jurydyčnych asob va ŭkłady (depazity), paviedamlaje Upraŭleńnie infarmacyi i hramadskich suviaziaŭ Nacbanka.
Aprača pryciahnieńnia srodkaŭ va ŭkłady abmiežavańnie zakranuła vydaču bankaŭskich harantyj, vypusk u abaračeńnie bankaŭskich płastykavych kartak, vydaču kaštoŭnych papier, jakija paćviardžali b pryciahnieńnie hrašovych srodkaŭ va ŭkłady (depazity) i raźmiaščeńnie ich na rachunki, finansavańnie pad ustupku hrašovaha patrabavańnia (faktorynh).
«Heta rašeńnie pryniataje ŭ suviazi ź nievykanańniem ZAT „TK Bank“ pradpisańnia ab likvidacyi parušeńniaŭ zakanadaŭstva Respubliki Biełaruś i skiravana na abaronu intaresaŭ kredytoraŭ banka»,— padkreślivajecca ŭ paviedamleńni Nacbanka.
Zaznačajecca, što «pryniataje rašeńnie nie pryviadzie da ŭźniknieńnia ŭ ZAT „TK Bank“ abaviazacielstvaŭ pa daterminovym vykanańni dahavoraŭ z układčykami i inšymi kredytorami. Usie abaviazacielstvy ZAT „TK Bank“ buduć vykonvacca ŭ adpaviednaści z raniej zaklučanymi dahavorami».
