Apošnija tydni ŭ Biełarusi staić niezvyčajnaja śpiakota. I mnohija minčanie, kab astudzicca, lezuć u fantany, choć takija pracedury i niezakonnyja. Ale štraf ad 100 da 300 tysiač rubloŭ — jašče nie samaje strašnaje ŭ takim kupańni.
Žurnalisty ŭziali na probu vadu z fantana na staličnaj płoščy Niezaležnaści. U sanstancyi im paviedamili, što analizaŭ takoj vady nichto nie robić. U našaj krainie daśledujuć tolki dva typy vady — pitnuju i vadajomnuju. Vada z fantanaŭ nie traplaje ni ŭ adzin z hetych vidaŭ.
Kab pravieryć jaje, žurnalistam daviałosia paviedamić, što jany ŭziali vadu z basiejna. Sanstancyja vyjaviła ŭ hetaj vadzie niebiaśpiečnyja dla žyćcia čałavieka kišačnyja bakteryi. Pryčym ich utrymańnie ŭ niekalki dziasiatkaŭ razoŭ pieravyšaje ŭsie dapuščalnyja normy.
